Pamiatajecie supołku «My za vialikuju Biełaruś» pačatku 2010-ch? Jaje administratara Paŭlukieviča sudziać za pratesty
Siarhiej Paŭlukievič byŭ zorkaj «maŭklivych akcyjaŭ» 2011 hoda. Paśla zatrymańnia jaho katavali i zavierbavali kadebisty, ale jon pryznaŭsia ŭ hetym i publična admoviŭsia ź imi supracoŭničać.
Siarhieju Paŭlukieviču 34 hady. Jon minčuk, vučyŭsia ŭ Biełaruskim dziaržaŭnym univiersitecie na sacyjołaha, taksama pastupaŭ u Polšču, ale, padobna, nie skončyŭ navučańnie.
Siarhiej byŭ administrataram supołki Ukantakcie «My za vialikuju Biełaruś» (bolš za 120 tysiač padpisčykaŭ, heta była najbujniejšaja biełaruskaja hrupa) i sustrečy «Marš miljonaŭ».
Upieršyniu Paŭlukievič zaśviaciŭsia ŭ miedyja ŭ 2011 hodzie. Adbyłosia heta paśla Płoščy-2010, na jakoj jaho zatrymali i prysudzili 10 sutak aryštu. Na sutkach jaho ŭpieršyniu sprabavali vierbavać.
U studzieni 2011 u Paŭlukieviča kanfiskavali kampjutar. Paśla jaho previentyŭna zatrymlivali 25 sakavika 2011 hoda, a ŭ červieni jašče raz kanfiskavali techniku.
Nastupnaha razu jaho zatrymali 1 lipienia 2011 hoda, kali ŭ Biełarusi išli «maŭklivyja» akcyi pratestu. Paśla zatrymańnia i 15 sutak Siarhiej vyjšaŭ z-za krataŭ i raspavioŭ pra toje, što jaho katavaŭ da zavierbavaŭ KDB, ale supracoŭničać jon nie budzie.
Paśla hetaha ŭ miedyja Paŭlukievič nie śviaciŭsia. Miarkujučy pa sacsietkach, pracavaŭ na «zvyčajnych» pracach — hruzčykam, majstram i hetak dalej.
Siarhieja Paŭlukieviča pačynajuć sudzić 26 lutaha 2025 hoda ŭ sudzie Frunzienskaha rajona Minska. Jaho abvinavačvajuć va ŭdziele ŭ pratestach pa «narodnym» artykule (č. 1 art. 342). Jamu moža pahražać da troch hadoŭ kałonii.
Miarkujučy pa ŭsim, jon u SIZA. Va ŭsich sacsietkach Paŭlukievič daŭno nie byŭ anłajn, a ŭ telehramie staić paznaka, što anłajn byŭ «vielmi daŭno», to-bok bolš za miesiac tamu.
«Naša Niva» — bastyjon biełaruščyny
PADTRYMAĆ
Kamientary