Памятаеце суполку «Мы за вялікую Беларусь» пачатку 2010-х? Яе адміністратара Паўлюкевіча судзяць за пратэсты
Сяргей Паўлюкевіч быў зоркай «маўклівых акцыяў» 2011 года. Пасля затрымання яго катавалі і завербавалі кадэбісты, але ён прызнаўся ў гэтым і публічна адмовіўся з імі супрацоўнічаць.
Сяргею Паўлюкевічу 34 гады. Ён мінчук, вучыўся ў Беларускім дзяржаўным універсітэце на сацыёлага, таксама паступаў у Польшчу, але, падобна, не скончыў навучанне.
Сяргей быў адміністратарам суполкі Укантакце «Мы за вялікую Беларусь» (больш за 120 тысяч падпісчыкаў, гэта была найбуйнейшая беларуская група) і сустрэчы «Марш мільёнаў».
Упершыню Паўлюкевіч засвяціўся ў медыя ў 2011 годзе. Адбылося гэта пасля Плошчы-2010, на якой яго затрымалі і прысудзілі 10 сутак арышту. На сутках яго ўпершыню спрабавалі вербаваць.
У студзені 2011 у Паўлюкевіча канфіскавалі камп'ютар. Пасля яго прэвентыўна затрымлівалі 25 сакавіка 2011 года, а ў чэрвені яшчэ раз канфіскавалі тэхніку.
Наступнага разу яго затрымалі 1 ліпеня 2011 года, калі ў Беларусі ішлі «маўклівыя» акцыі пратэсту. Пасля затрымання і 15 сутак Сяргей выйшаў з-за кратаў і распавёў пра тое, што яго катаваў да завербаваў КДБ, але супрацоўнічаць ён не будзе.
Пасля гэтага ў медыя Паўлюкевіч не свяціўся. Мяркуючы па сацсетках, працаваў на «звычайных» працах — грузчыкам, майстрам і гэтак далей.
Сяргея Паўлюкевіча пачынаюць судзіць 26 лютага 2025 года ў судзе Фрунзенскага раёна Мінска. Яго абвінавачваюць ва ўдзеле ў пратэстах па «народным» артыкуле (ч. 1 арт. 342). Яму можа пагражаць да трох гадоў калоніі.
Мяркуючы па ўсім, ён у СІЗА. Ва ўсіх сацсетках Паўлюкевіч даўно не быў анлайн, а ў тэлеграме стаіць пазнака, што анлайн быў «вельмі даўно», то-бок больш за месяц таму.
«Наша Нiва» — бастыён беларушчыны
ПАДТРЫМАЦЬЦяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі18
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары