Administratar supołki «Marš miljonaŭ» Vkontaktie na svabodzie, abiacaje adnaŭleńnie supołki
Siarhiej Paŭlukievič źviazaŭsia z žurnalistam «NN» i ŭ telefonnaj razmovie raskazaŭ pra akaličnaści svajho zatrymańnia.
Siarhiej Paŭlukievič źviazaŭsia z žurnalistam «NN» i ŭ telefonnaj razmovie raskazaŭ pra akaličnaści svajho zatrymańnia.
U piatnicu, 3 červienia, da jaho na kvateru pryjechali tyja samyja dva supracoŭniki KDB, jakija raniej sprabavali zavierbavać maładoha čałavieka. Jany skazali, kab Siarhiej «źbiraŭsia da ich na razmovu». Zabrali taksama jaho kampjutar. Pry hetym nijakich dakumientaŭ nie pakazali.
U KDB hutarka išła pra dziejnaść Siarhieja ŭ jakaści administratara šerahu supołak na sajcie vkontakte.ru («Marš miljonaŭ», «My za vialikuju Biełaruś!»). Skazali, što nielha zaklikać ludziej vychodzić na Płošču. U supraćlehłym vypadku jamu pahražaje artykuł 342 Kryminalnaha kodeksa. Papiaredžvali, kab bolš nie zajmaŭsia hetkaj «jerundoj».
Supracoŭniki KDB padklučyli kampjutar Paŭlukieviča i zapatrabavali, kab jon vydaliŭ supołki. Małady čałaviek u telefonnaj razmovie z žurnalistam «NN» adznačyŭ, što takoj funkcyi u vkontakte.ru niama. Tamu jon prosta adklučyŭ usie błoki.
Paŭlukievič abiacaje, što najbližejšym časam praca supołak całkam adnovicca.
Siarhieja adpuścili ŭ toj samy dzień. Ale kampjutar nie addali.
Na staroncy Siarhieja Paŭlukieviča ŭ vkontakte.ru źjaviłasia infarmacyja ad jaho imia, maŭlaŭ, ź im usio ŭ paradku. Siabry i znajomyja zasumniavalisia ŭ tym, što heta pisaŭ sam Siarhiej. Ale heta praŭda. Małady čałaviek adznačyŭ, što «akaŭnt znachodzicca pad maim kantrolem».
Supołka rychtavała «Marš miljonaŭ» za adstaŭku Łukašenki. Udzielniki zaklikali raspačać jaho 15 lipienia na centralnaj płoščy Minska. U supołcy «My za vialikuju Biełaruś!» było 120 000 udzielnikaŭ.
Pierad zatrymańniem Siarhiej Paŭlukievič raspaŭsiudziŭ list, u jakim zajaviŭ pra cisk z boku śpiecsłužb na jaho siamju, u pryvatnaści, mamu.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary