Łukašenka — livijskamu fieldmaršału: Vy pryjechali da svaich siabroŭ, da siabie dadomu
Biełaruś hatovaja raźvivać supracoŭnictva ź Livijaj. Pra heta Alaksandr Łukašenka zajaviŭ na sustrečy ź fieldmaršałam i viarchoŭnym hałoŭnakamandujučym Livijskaj nacyjanalnaj armii Chalifoj Biełkasimam Chaftaram, piša BiełTA.
«Spadar Chaftar, prašu ličyć, što vy pryjechali da svaich siabroŭ, da siabie dadomu. Šmat pra vas čytaŭ, šmat čuŭ, mnie šmat raskazvali. Ale, na žal, sustrakajusia ŭpieršyniu. Ja chaču, kab vy viedali, što my vielmi dobra infarmavanyja pra situacyju ŭ Livii, vielmi dobra viedajem Liviju. U mianie da vašaha naroda asablivaje staŭleńnie, ja byvaŭ u Livii ŭ svoj čas. Viadoma, siońnia heta ŭžo inšaja Livija. Ale vy pavinny viedać, što my hatovyja zrabić dla vas usio, što vy paličycie karysnym u Biełarusi», — skazaŭ Łukašenka.
«Usio, pra što my damovimsia siońnia, u hetyja dni vašaha znachodžańnia ŭ Biełarusi, my vykanajem svoječasova. Tamu dazvolcie pryvitać u Biełarusi vas i ŭsich členaŭ delehacyi. My hatovyja da pracy», — dadaŭ jon
U svaju čarhu Chalifa Chaftar padkreśliŭ, što taksama rady sustrečy: «My vielmi rady naviedać Biełaruś. Vialiki vam dziakuj za zaprašeńnie. My vielmi radyja i chočam supracoŭničać z vami».
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń40
Kamientary