Mazyrski NPZ pryznaŭ svaju stratnaść i raskazaŭ pra pavieličeńnie zahruzki
U pieradačy na zavodskim radyjo Mazyrskaha naftapierapracoŭčaha zavoda načalnica adździeła arhanizacyi pracy i zarabotnaj płaty prakamientavała pavyšeńnie zarobkaŭ rabotnikam pradpryjemstva. Jak adznačajecca, «dyrektar zavoda anansavaŭ padniaćcie zarobku na 10%, a pa fakcie pavyšeńnie, zhodna z raźlikovym listkom, skłała 6,25%», piša «Fłahštok».
Načalnica adździeła adznačyła, što
«va ŭmovach stratnaj pracy pradpryjemstva i, jak nastupstva, adsutnaści mahčymaściaŭ dla pavyšeńnia taryfnaj staŭki pieršaha razradu, uličvajučy važnaść padtrymki hodnaha ŭzroŭniu dabrabytu rabotnikaŭ zavoda, kiraŭnictvam byŭ zrobleny šerah mier u hetym kirunku».
Takim čynam, na Mazyrskim NPZ pryznali stratnaść svajoj pracy.
Što tyčycca zarobkaŭ, to načalnica pryviała ličby, ale nie adkazała adkrytym tekstam na pytańnie, čamu zarpłatu padniali nie na 10%, jak abiacaŭ dyrektar.
Pry hetym u haziecie «Mozyrskij pierierabotčik» zhadali ab prypynieńni dziejańniaŭ niekatorych punktaŭ kalektyŭnaj damovy. Kiraŭnik zavodskaha prafsajuza raskazaŭ, što z 6 lutaha da 31 sakavika niekatoryja punkty kalektyŭnaj damovy «na paŭzie». Ale padrabiaznaści nie raskryŭ, patłumačyŭšy heta tym, što infarmacyja «davoli abjomnaja», prapanavaŭšy tym, chto cikavicca šukać jaje samastojna, zapytaŭšy ŭ staršyniaŭ cechkamaŭ.
U haziecie pradpryjemstva taksama napisali pra toje, što ŭ lutym «miarkujecca płaŭnaje pavieličeńnie zahruzki, što paŭpłyvaje na źmianieńnie płanavych abjomaŭ pierapracoŭki ŭ sakaviku».
Raniej «Fłahštok» paviedamlaŭ, što zavod staŭ naroščvać abjom vytvorčaści naftapraduktaŭ, ale pavieličeńnie pierapracoŭki moža prynieści pradpryjemstvu tolki novyja straty.
Pa siecivie palacieła navina pra ataku dronaŭ na Mazyrski NPZ. Heta fejk
Zialenski: Łukašenka prapanoŭvaŭ mnie stuknuć pa Mazyrskim NPZ, ja jamu kažu: «Što ty havoryš?»
My zdabyli ličby impartu rasijskaj nafty. Ź ich jasna, jak Łukašenka kampiensuje straty ad sankcyj
Mazyrski NPZ pakul tak i nie adnaviŭ abjomy vytvorčaści, jakija byli da letniaha ŭrahanu. Mahčyma, robić heta śviadoma
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary