Na adnu z najstarejšych cerkvaŭ Kapylskaha rajona pastavili załatuju cybulinu i ruskija kakošniki
Carkva ŭ honar Pakrova Praśviatoj Baharodzicy ŭ vioscy Paciejki, jakaja zaśpieła jašče časy Rečy Paspalitaj, zamiest adnaŭleńnia źviedała hvałtoŭnuju rusifikacyju.
Źmieny ŭ vyhladzie carkvy zaŭvažyŭ telehram-kanał «Spadčyna».
Pomnik narodnaha dojlidstva byŭ pabudavany jašče ŭ 1793 hodzie, niezadoŭha da druhoha padziełu Rečy Paspalitaj. U 1868 hodzie na srodki prychadžan draŭlanuju carkvu kapitalna rekanstrujavali. Vyjavić histaryčnyja zdymki chrama nie ŭdałosia, ale viadoma, što ščyt chrama byŭ upryhožany kartušam, a zvanica stajała asobna.
Paśla Druhoj suśvietnaj vajny carkvu kančatkova zakryli i prystasavali pad sielski kłub. Paźniej pierad hałoŭnym fasadam carkvy źjaviłasia muravanaja prybudova, u jakoj raźmiaščałasia biblijateka.
U takim vyhladzie carkva isnavała da 2010-ch hadoŭ, kali budynak ašalavali sałatavym sajdynham. Staradaŭniaja carkva stała nieadroznaj ad viaskovaj chaty paśla jeŭraramontu.
U 2023 hodzie budynak byłoha chrama pieradali Biełaruskaj pravasłaŭnaj carkvie. Amal adrazu pačalisia budaŭničyja raboty pad kiraŭnictvam sierba Miładzina Łučyča. Unutry była padšytaja drevam stol, stvorany novy ikanastas, zasłana dyvanami padłoha.
Zvonku źniali sajdynh, ścieny muravanaj prybudovy ašalavali drevam i pafarbavali ŭvieś budynak va ŭltramarynavy sini koler. Takoha ž štučnaha koleru zroblena i kryćcio novaha dachu chrama. Narešcie, na dach pasadzili załatyja cybulepadobnyja kupały z upadabanaha RPC nitrydu tytanu i trochłopaścievyja kakošniki. Ništo z hetaha, naturalna, nikoli nie vykarystoŭvałasia i navat nie isnavała ŭ časy budaŭnictva carkvy ŭ Paciejkach.
Carkva, niahledziačy na svoj pavažny ŭzrost, nijak nie maje statusu historyka-kulturnaj kaštoŭnaści i nijak nie achoŭvajecca, a značyć ułaśnik moža rabić ź joju što zachoča.
Nie restaŭracyja, a paśmiešyšča. U Ružanach «zarestaŭravali» rezidencyju Sapiehaŭ
Śledam za Ružanami. BNTU pieramaloŭvajuć u kisłotna-zialonyja kolery
U Azdamičach na Stolinščynie na carkvu pastavili pazałočanuju «cybulinu» FOTAFAKT
Pravasłaŭny prychod u Słonimie pakarajuć za niezakonna pieramalavany chram XVII stahodździa
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
2. Heta złačynstva zhodna zakonam RB
3. Maskoŭski ułus (zhodna navat ich K. Marksa ) ZAŬSIODY vykarystoŭvaŭ ich Manhołka - Maskoŭski zbor tak zvanych rpcšnikaŭ dziela kałanizacyi, akupavanych krain.