Śledam za Ružanami. BNTU pieramaloŭvajuć u kisłotna-zialonyja kolery

Minčuki źviarnuli ŭvahu na dziŭnyja kolery internata №3 pa praśpiekcie Niezaležnaści, 63, jaki svaim fasadam farmiruje front zabudovy hałoŭnaj mahistrali stalicy.

Fasady budynka, jaki ŭvachodzić u paślavajenny ansambl Biełaruskaha nacyjanalnaha techničnaha ŭniviersiteta, nabyli jarkija kisłotnyja adcieńni, jakich raniej nie było. 

Pavialičyć

Jak adznačajuć śpiecyjalisty, ich nie tolki nie było, ale i być nie mahło. Takija adcieńni stali mahčymyja tolki ŭ naš čas, kali źjavilisia raznastajnyja tryvałyja pihmienty, a na savieckich budynkach 1950-ch hadoŭ vykarystoŭvalisia pryhłušanyja hłybokija kolery, dalokija ad sałatavaha.

Pavialičyć

Jak ža jany źjavilisia? Aktyvisty źviartajuć uvahu, što ŭ 2020 hodzie ŭ takoj ža jarka-sałatavaj hamie byli pieramalavanyja fasady hałoŭnaha korpusa BNTU. Jak tady vyjaviłasia, raboty na pomniku respublikanskaha značeńnia byli vykananyja niezakonna, biez uzhadnieńnia ź Ministerstvam kultury. Kiraŭnictva ŭniviersiteta abivała parohi viedamstva, kab uzhadnić svaje raboty zadnim čysłom i paźbiehnuć pryciahnieńnia da adkaznaści.

Rabotami kiravaŭ dekan architekturnaha fakulteta Armen Sardaraŭ, jakija maje paśviedčańnie navukovaha kiraŭnika i vykonvaje dla svajho ŭniviersiteta ŭsie pracy na historyka-kulturnych kaštoŭnaściach. Vidavočna, što nietypova jarkimi kolerami internat № 3 taksama abaviazany jamu.

Pavialičyć

Aktyvisty adznačajuć, što Sardarava ŭ svoj čas vyklučyli z Rady pry Minkultury, jakaja zajmajecca navukova-mietadyčnymi pytańniami restaŭracyi i razhladaje pracy na najbolš adkaznych abjektach.

U tym ža 2020 hodzie była rekanstrujavana i aharodža ŭniviersiteta. Na joj, choć jana i nie maje achoŭnaha statusu, architektaram udałosia ŭznavić aryhinalnuju kałarystyku 1950-ch hadoŭ pa vyjaŭlenych pihmientach staroha azdableńnia.

Pavialičyć

Aharodža, pafarbavanaja siońnia ŭ hłyboki hłuchi zielenavaty koler, prymykaje da internata №3, pakazvajučy nakolki vybrany dla budynka koler daloki ad taho, što jon mieŭ histaryčna.

Ružanski pałac pierafarbujuć. Ale vypraŭlać buduć zusim nie toje, čaho ŭsie čakali

Heta daloka nie pieršy vypadak, kali ŭ Biełarusi malujuć u dziŭnyja kolery važnyja histaryčnyja pomniki. Najbolš kurjozny vypadak adbyŭsia pry restaŭracyi pałaca Sapiehaŭ u Ružanach. Siońnia try častki ansamblu, jakija adnaŭlalisia paśladoŭna, pamalavanyja absalutna pa-roznamu — ad kisłotna-zialonaj da pastelnaj hamy — i nivodny varyjant nie adpaviadaje histaryčnamu.

• 1
• 0
• 4
• 10
• 2
• 0
• 4
• 0