Ukrainskaja armija ŭpieršyniu za hod zmahła adkinuć rasiejskija vojski ŭ Danieckaj vobłaści, vyzvaliŭšy siało Piasčanaje, raźmieščanaje za piać kiłamietraŭ ad Pakroŭska. Akramia taho, ukrainskija siły prasunulisia na dva kiłamietry ŭ susiednich nasielenych punktach, piša Bild.
Jak adznačaje finski vajskovy analityk Emil Kastechielmi, ukrainskija vojski praviali sieryju kontratak z roznych napramkaŭ. Choć terytoryja, vyzvalenaja USU, pakul nievialikaja, sam fakt adstupleńnia rasijskich vojskaŭ va Ukrainie ŭpieršyniu z vosieni 2023 hoda vyklikaŭ prykmietnuju niervovaść siarod rasiejskich Z-błohieraŭ.
Rasijskija krynicy paćviardžajuć, što USU zamacavalisia ŭ pramysłovaj zonie zachodniaj častki siała Piasčanaje i viaduć bai ŭ žyłych rajonach.
Dla abarony Pakroŭska hety kontrudar vielmi važny, pakolki rasijskaja armija ŭščylnuju padyšła da stratehičnaj trasy Je50, jakaja złučaje horad z centralnaj Ukrainaj. Jaje strata mahła b pryvieści da błakady ŭkrainskich vojskaŭ u Pakroŭsku.
Akramia taho, USU aktyvizavalisia i na terytoryi Rasii. U Kurskaj vobłaści ŭkrainskija vajskoŭcy viarnuli pad kantrol try nievialikija nasielenyja punkty. Rasijskija vajskovyja błohiery publikujuć kadry nastupleńnia 82-j desantna-šturmavoj bryhady USU, što paćviardžaje paviedamleńni ab prasoŭvańni ŭkrainskich sił.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary