«Stymuluje ŭsich na zavodzie». Prapahandyst Tur patłumačyŭ, navošta ŭ arhanizacyi paŭsiul uładkoŭvajuć štatnych supracoŭnikaŭ KDB

Dla baraćby ź inšadumstvam siarod supracoŭnikaŭ, jak śćviardžaje Tur, hetaha nie treba:

«kab adsačyć realny abo patencyjny pierachod niejkaha supracoŭnika arhanizacyi Ch na ciomny pratestny bok — bolš čym dastatkova prahramnych srodkaŭ z «centra», a taksama rapartaŭ lehiendavanaha raźviedčyka, jaki/-ija, ja vas zapeŭnivaju, jość u luboj biełaruskaj arhanizacyi, bujnoj pa składzie kalektyvu, abarotcy abo inviestycyjach».

Štatnyja ž supracoŭniki KDB nakiroŭvajucca ŭ arhanizacyi, jak vykazaŭsia prapahandyst,

«nie dla dadatkovaha kantrolu za pradpryjemstvam, a roŭna naadvarot — dla stymulavańnia rostu KKD arhanizacyi».

Maŭlaŭ, u kožnaj vialikaj arhanizacyi isnuje svaja kiraŭničaja viertykal na čale z hienieralnym dyrektaram, a pad im — namieśniki, načalniki ŭpraŭleńniaŭ i kiraŭniki adździełaŭ. U takoj struktury jość miesca i kumaŭstvu, i zaniaćciu pasad ludźmi nieadpaviednaj kvalifikacyi, i prosta farmalizmu. I hienieralny dyrektar, navat kali bačyć kiepskuju situacyju, nibyta nie zaŭsiody moža niešta zrabić, bo heta i parušaje niejkuju raŭnavahu, i vymahaje prachodžańnia biurakratyčnych pracedur. I ŭvohule, «ŭ cełym zavod nibyta narmalna pracuje — płan vykonvaje siak-tak, choć tearetyčna mahli b i ŭdvaja bolš, napeŭna…»

«Nibyta jak farmalna ŭsio narmalna, pa fakcie ž — i krainie drenna ad niedaatrymanaha prybytku, i ludzi ŭsio bačać u kiravańni, a raz tak, to spuściŭšy rukavy pracujuć, i ŭvohule — takoje sabie».

Šarahovamu supracoŭniku «u jakoha duša balić za zavod», to i zrabić biez hebešnikaŭ u kiraŭnictvie, na dumku Tura, ničoha niemahčyma: «Navierch, u kancern abo ŭ ministerstva, nie napišaš, a kali i atrymajecca — spuściać vyrašać prablemu bo taho ž hiendyrektaru i jaho viertykali, pra jakuju i pisaŭ. Tak sabie atrymajecca, usio ž razumiejem».

«A kali ŭ kiraŭnictvie jość čałaviek z pramym vychadam na inšaje viedamstva, i miakka kažučy — mocnaje… Jamu navat nie abaviazkova pisać rapart ab biahučym stanoviščy spraŭ na zavodzie, jaki moža mocna adroźnivacca ad spravazdačy ŭ kancern ad hiendyrektara. Sam fakt taho, što taki rapart moža iści ŭ KDB, a adtul — kudy zaŭhodna… Stymuluje ŭsich na zavodzie nie zapluščvać vočy na prablemy, a pracavać narmalna. Hiendyrektara, usich namieśnikaŭ, načalnikaŭ upraŭleńniaŭ i adździełaŭ», — raschvalvaje najaŭnuju sistemu Ihar Tur.

• 0
• 0
• 4
• 16
• 1
• 0
• 6
• 0