Maładoje pakaleńnie vieryć u šlub i paźbiahaje vypadkovych seksualnych suviaziaŭ. Ich baćki ŭ šoku
Dla dźviuch tracin maładych ludziej šlub ujaŭlajecca važnym instytutam, i tolki kožny čaćviorty mieŭ vypadkovyja pałavyja suviazi («seks na adnu noč»). Čym jašče admietnaje pakaleńnie Z?
Brytanskaje vydańnie The Times u supracoŭnictvie z daśledčymi kampanijami YouGov i Public First praviało apytańnie maładych ludziej va ŭzroście ad 18 da 27 hadoŭ. Mnohija pytańni paŭtarali tyja, što zadavalisia 20 hadoŭ tamu, što dazvoliła paraŭnać pohlady pakaleńnia Z z papiarednimi pakaleńniami. Aproč kolkasnaha apytańnia, byli arhanizavanyja fokus-hrupy z udziełam maładych ludziej z roznych sacyjalna-ekanamičnych słajoŭ dla atrymańnia hłybiejšaha razumieńnia ich pohladaŭ.
Jak piša The Times, vyniki pakazali značnyja źmieny ŭ adnosinach i pavodzinach pakaleńnia Z u paraŭnańni z papiarednimi pakaleńniami.
Za 20 hadoŭ dola maładych ludziej, jakija ličać šlub niečym niavažnym i nieaktualnym, źniziłasia z 39% da 21%, što prykładna adpaviadaje staŭleńniu da šlubu siarod 65-hadovych ludziej.
U toj ža čas 65% pradstaŭnikoŭ pakaleńnia Z ličać hety sacyjalny instytut važnym.
Apytańnie taksama vyjaviła, što sučasnyja maładyja ludzi bolš kansiervatyŭnyja ŭ seksualnych pavodzinach u paraŭnańni sa svaimi baćkami.
Tak, tolki 23% paviedamili, što ich adnahodki majuć vypadkovyja pałavyja suviazi («seks na adnu noč»). 20 hadoŭ tamu takich było ŭ try razy bolš — 78%.
Što tyčycca internet-parnahrafii — źjavy, jakaja za apošnija 20 hadoŭ značna raspaŭsiudziłasia, — mienš za pałovu (40%) maładych ludziej ličać, što ich siabry zvyčajna hladziać jaje. 20 hadoŭ tamu hety pakazčyk byŭ značna vyšejšy — 58%.
Jak pakazała apytańnie, maładyja ludzi siońnia značna radziej zajmajucca nieabaronienym seksam pa-za doŭhaterminovymi adnosinami. Tolki 16% skazali, što ich siabry zrabili b tak. U 2004 hodzie hety pakazčyk składaŭ 52%.
«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia
Vyjšła kniha pra biełaruskuju moładź paśla 2020 hoda
Vytvorcy ałkaholu panikujuć: moładź da 25 hadoŭ amal nie pje, pryčym va ŭsich krainach
Jak buduć vyhladać ludzi praz 1000 hadoŭ — prahnoz navukoŭcaŭ
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2
Kamientary
Razbeščanaje staroje pakaleńnie ŭ šoku: jak ža tak!...