Spahnańnie niekatorych zapazyčanaściaŭ patrapić pad sproščanuju vykanaŭčuju vytvorčaść, paviedamiŭ ministr justycyi Jaŭhien Kavalenka.
Ministr justycyi skazaŭ, što jaho viedamstva pracuje nad «dalejšym udaskanaleńniem» dziejnaści orhanaŭ prymusovaha vykanańnia, a taksama «ŭdaskanaleńniem zakanadaŭstva pa hetych pytańniach».
U pryvatnaści, pavodle jaho słoŭ, ciapier rychtujecca da druhoha čytańnia raspracavany Ministerstvam justycyi prajekt zakona «Ab źmianieńni zakonaŭ pa pytańniach vykanaŭčaj vytvorčaści», jakim budzie ŭviedzieny, siarod inšaha, miechanizm sproščanaj vykanaŭčaj vytvorčaści.
Taki miechanizm budzie prymianiacca, kali suma spahnańnia «niaznačnaja, da 20 bazavych vieličyń» (ciapier heta 840 rubloŭ), skazaŭ Kavalenka.
«Spahnańnie budzie ažyćciaŭlacca maksimalna apieratyŭna, biez afarmleńnia lišnich papier, z vykarystańniem roznaha rodu srodkaŭ aŭtamatyzacyi», — piša BiełTA.
U pryvatnaści, pad sproščanaje vykanaŭčaja vytvorčaść patrapić spahnańnie štrafaŭ za parušeńnie PDR, zafiksavanyja z dapamohaj sistemy fotafiksacyi.
«Heta značyć, atrymlivajecca sistema, kali ŭ aŭtamatyčnym režymie ažyćcioŭlena fiksacyja pravaparušeńnia i taksama ŭ sproščanym, u značnaj stupieni aŭtamatyčnym režymie, budzie ažyćciaŭlacca spahnańnie pa hetym pravaparušeńni šlacham śpisańnia hrašovych srodkaŭ z rachunku parušalnika», — adznačyŭ Jaŭhien Kavalenka.
Ciapier čytajuć
«Skazali, što ludzi ź vizami typu C nie zmohuć pierasiačy miažu». Na litoŭskich prapusknych punktach zdaryŭsia kałaps4
Kamientary
Čałaviek raspłanavaŭ vykanańnie svaich abaviazkaŭ: tamu zapłaci, nieabchodnaje siońnia kupi.. A tut bac! Raptam i niečakana, mienavita siońnia ŭžo niama čym płacić, bo... I čałaviek nie moža vykanać svaje abaviazki. Dalej łancužok i chaos niepłaciažoŭ.
Čałaviek sam musić płanavać i razumieć svaje apłaty.
A kali doŭha nie płacić štrafu, to i tak śpišacca, raskažycie pra heta ministru.
Dapuskaju, što ministr justycyi nie pryvyk dumać, što jamu rabić i kamu płacić, dy i hrošaj maje poŭnyja matracy što až 840 "niaznačnaja suma", ale ž padkažycie jamu chto tam blizka.
U nas ža aj-ci sasud.