Prezident Ukrainy Uładzimir Zialenski zajaviŭ u piatnicu, što paŭnočnakarejskija vojski znoŭ źjavilisia na linii frontu ŭ Kurskaj vobłaści. Raniej ukrainskija vajskoŭcy paviedamlali, što nie sutykalisia z paŭnočnakarejskimi padraździaleńniami na praciahu troch tydniaŭ, bo Rasija adviała ich z-za značnych strat, paviedamlaje «Hołas Amieryki».
«U rajonach Kurskaj apieracyi adbylisia novyja šturmy. Rasijskaja armija znoŭ pryciahnuła paŭnočnakarejskich sałdat», — skazaŭ Zialenski ŭ svaim viačernim zvarocie.
Prezident Ukrainy adznačyŭ, što «značnaja kolkaść» varožych sałdat była «źniščana».
«Havorka idzie pra sotni rasijskich i paŭnočnakarejskich vajskoŭcaŭ», — dadaŭ jon.
Pavodle danych paŭdniovakarejskaj i zachodniaj raźviedak, bolš za 10 000 paŭnočnakarejskich sałdat byli nakiravany ŭ Rasiju ŭ minułym hodzie.
Paŭnočnakarejski kantynhient, aficyjna nie paćvierdžany ni Maskvoj, ni Pchieńjanam, pavinien byŭ uzmacnić rasijskuju armiju i dapamahčy joj vybić ukrainskija vojski z Kurskaj vobłaści. Adnak, pa stanie na luty, Ukraina ŭsio jašče ŭtrymlivaje častku pryhraničnaj rasijskaj terytoryi.
U toj ža čas dziejańni Uzbrojenych sił Ukrainy na terytoryi Rasii nie zmahli strymać prasoŭvańnie rasijskich vojskaŭ na ŭschodzie Ukrainy.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary