Rektarka Univiersiteta kultury raspaviała, jak «rasstałasia» ź niezadavolenymi supracoŭnikami ŭniviersiteta
Svaimi dumkami jana padzialiłasia ŭ kulinarnym šou na dziaržaŭnym telekanale.
Pa słovach Natalli Karčeŭskaj, pryznačeńnie jaje rektaram Biełaruskaha dziaržaŭnaha ŭniviersiteta kultury i mastactvaŭ nie ŭsie ŭ VNU ŭspryniali dobra.
«Niechta ŭspryniaŭ, dumaju, admoŭna. Tamu što razumieli, što ja nie dazvolu hetaha «razhulajeva». Ludzi, jakija tam dahetul pracujuć, jakija vučyli mianie, našy piedahohi ŭspryniali vielmi dobra. A častka z hłybokaj zakłapočanaściu, naściarožanaściu — tamu z častkaj my rasstalisia davoli chutka. Naša zadača — kab VNU pracavała efiektyŭna», — skazała Karčeŭskaja.
Rektarka adznačyła, što hałoŭnaja misija ŭniviersiteta i ŭ adukacyjnym, i ŭ tvorčym, i ŭ patryjatyčnym sensach — rychtavać kadry dla patreb ekanomiki krainy.
Natallu Karčeŭskuju pryznačyli na pasadu rektara BDUKM u 2020-m hodzie. Tady jana aktyŭna aburałasia pavodzinami pratestujučych studentaŭ i zajaŭlała, što na vybarach hałasavała za Alaksandra Łukašenku.
Da pryznačeńnia va ŭniviersitet Karčeŭskaja pracavała namieśnicaj ministra kultury.
Rektar BDUKM Natalla Karčeŭskaja: Łaŭreat śpiecfondu pa padtrymcy talenavitaj moładzi admoviŭsia zastacca ŭ Minsku i paprasiŭsia na radzimu — u Niaśvižski rajon
Švied: Praz kamisiju pa viartańni viarnuŭsia 19 čałaviek, dazvoł atrymali jašče 40 čałaviek
Zbornuju Biełarusi nie dapuścili da čempijanatu śvietu pa chakiei
«Biełarusy takija biełarusy». U tyktoku zachaplajucca, jak pasažyry dapamahli kiroŭcu tralejbusa ŭ Minsku
Cichanoŭskaja pra muža: Uvieś jahony śviet pierakuleny17
Kamientary