U novym vypusku TOKu były pasoł i ministr kultury, a ciapier adzin ź lidaraŭ apazicyi Pavieł Łatuška vykazaŭ svaje adnosiny da Uładzimira Makieja.
«Uładzimir Makiej — toj čałaviek, jaki słužyŭ usio žyćcio Łukašenku. Ale z druhoha boku voś hetaja supiarečlivaść — jon lubiŭ Biełaruś. Heta čałaviek, jakomu było važna, kab Biełaruś była niezaležnaj dziaržavaj. Jon šanavaŭ biełaruskuju kulturu i biełaruskuju movu»,
— davodzić Pavieł Łatuška i śćviardžaje, što Makiej padtrymlivaŭ jaho namahańni pa padtrymcy biełaruskaj kultury, kali Łatuška byŭ dypłamatam i čynoŭnikam.
«Bolš za ŭsio mianie bili na hetych pasadach mienavita za biełaruskaść, za padtrymku biełaruskaj kultury, movy. Za heta prylatała. Darečy, ad toj ža Piatkievič vielmi mocna, ad namieśnikaŭ Makieja. Taki Jaŭhien Šastakoŭ, jaki maje rodnasnyja suviazi ź jaho žonkaj Vieraj Palakovaj-Makiej»,
— dzielicca Łatuška i jašče raz padkreślivaje, što Makiej «sapraŭdy šanavaŭ biełaruskuju kulturu».
«Ja dumaju, što jon chacieŭ, kab pomnik byŭ na matčynaj movie», — dadaje palityk.
Nahadajem, što ŭradženiec Karelickaha rajona Uładzimir Makiej u saviecki čas byŭ aficeram savieckaha HRU, u niezaležnaj Biełarusi pačaŭ dypłamatyčnuju karjeru. U 2000 hodzie staŭ pamočnikam Alaksandra Łukašenki. Praz vosiem hadoŭ uznačaliŭ Administracyju prezidenta. U 2012 hodzie jon byŭ pryznačany ministram zamiežnych spraŭ Biełarusi i zajmaŭ hetuju pasadu da svajoj śmierci ŭ listapadzie 2022 hoda.
Hladzicie całkam:
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary