U Homieli padletak prynios u škołu nož, kab zabić adnakłaśnikaŭ, jakija ź jaho ździekavalisia
Ad imia dziaŭčyny ŭ jaho paprasili intymnyja zdymki, a paśla skinuli ŭ čat kłasa.
«Našaj Nivie» stała viadoma pra žachlivy incydent u adnoj z homielskich škoł, što adbyŭsia naprykancy 2021 hoda. 14-hadovy školnik, jakoha ckavali adnakłaśniki, nie vytrymaŭ i prynios na ŭroki nož. Tolki vypadkovaść vyratavała ad trahiedyi.
14-hadovy školnik paznajomiŭsia ŭ sacsietkach ź dziaŭčynaj. Chutka ŭ ich zaviazałasia ramantyčnaja pierapiska, i dziaŭčyna paprasiła chłopca dasłać svaje intymnyja zdymki. Niahledziačy na vahańni, jon usio ž taki zrabiŭ heta.
Užo na nastupny dzień fota było apublikavana ŭ čacie kłasa, dzie jaho pačali abražać adnakłaśniki. Vyśvietliłasia, što nijakaj dziaŭčyny nasamreč nie isnuje. Adzin sa školnikaŭ vyrašyŭ paździekavacca i stvaryŭ fejkavy akaŭnt, ź jakoha i vioŭ pierapisku, u tym liku dla atrymańnia aholenych fota.
Nie vytrymaŭšy praciahłych źniavahaŭ, pakryŭdžany padletak vyrašyŭ zabić tych, chto jaho abražaje. Dla hetaha jon prynios u škołu nož.
Tolki toje, što chłopiec prahavaryŭsia pra svaje płany, vyratavała ad trahiedyi. Adzin sa školnikaŭ paviedamiŭ pra nož nastaŭniku, toj zabraŭ jaho. I spravu na ŭzroŭni škoły spadziavalisia zamiać.
Adnak zackavany padletak pačaŭ chadzić da psichołaha. I toj, daviedaŭšysia pra incydent z nažom, byŭ vymušany pa zakonie paviedamić u milicyju.
Suprać padletka zaviali kryminalnuju spravu — zamach na zabojstva (č.1 art. 139 KK, ad 6 da 15 hod źniavoleńnia), kryminalnaja adkaznaść za heta nastupaje akurat z 14 hod. Adnak razabraŭšysia, siłavyja orhany pryjšli da vysnovy, što sapraŭdnaha matyvu na zabojstva ŭ padletka nie było, a tamu spynili kryminalny pieraśled.
Školnika pastavili na ŭlik u kamisiju pa spravach niepaŭnaletnich. Dyrektara škoły, zavuča, psichołaha, sacyjalnaha piedahoha i kłasnaha kiraŭnika pryciahnuli da dyscyplinarnaj adkaznaści za toje, što jany nie praduchilili incydent, u pryvatnaści, niedastatkova dobra manitoryli sacyjalnyja staronki vučniaŭ.
Tyja ž, chto ździekavaŭsia sa školnika, faktyčna vyjšli suchimi z vady — u Biełarusi niama adkaznaści niepasredna za bulinh, a adkaznaść za raspaŭsiud parnahrafii (da hetaha pryraŭnoŭvajuć pierasyłku i publikacyju intymnych fota) nastupaje tolki z 16 hadoŭ.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary
Vučyciesia na pamyłkach druhich!!!