Kino

Čym cikavaja «Emilija Pieres» — samy dzivacki film z favarytaŭ «Oskara»

Hety miuzikł sabraŭ uradžaj uznaharodaŭ, a ciapier źjaŭlajecca adnym z favarytaŭ u šmatlikich naminacyjach na «Oskar». Voś što ź siabie ŭjaŭlaje «Emilija Pieres».

Emilija Pieres (Karła Safija Haskon). Fota: kadr z trejlera

Nie lubicie, kab film źnievažaŭ vašy pačućci? Lepš na čas zabyć pra heta, bo «Emilija Pieres» — sapraŭdny vyklik dla tradycyjanalistaŭ. Vyhladaje, što siarod kinakrytykaŭ ich niašmat, bo stužka sabrała bahata ŭznaharodaŭ: naprykład, pryz žury ŭ Kanach i tamtejšuju statuetku za najlepšuju žanočuju rolu, a taksama 10 naminacyj na «Załaty hłobus» — u čatyroch ź ich stužka vyjhrała, u tym liku i ŭ naminacyi «Najlepšy film — kamiedyja ci miuzikł». 

Hladzicie sami. Ryta, mieksikanskaja advakatka, atrymlivaje tajamničuju i vyhadnuju prapanovu pracy ad miascovaha narkabarona. Niezadavolenaja svajoj karjeraj, žančyna prymaje prapanovu. Ciapier zadača Ryty — dapamahčy Manitasu del Monte źmianić poł, bo mahutny mafijozi, akazvajecca, daŭno adčuvaje siabie žančynaj.

Ryta padarožničaje pa śviecie i znachodzić doktara, jaki pieratvaraje narkabarona ŭ sińjoru Emiliju Pieres. Prachodzić čas, i Emilija viartajecca ŭ žyćcio advakatki: Ryta pryvozić da žančyny jaje dziaciej, a taksama dapamahaje joj pasprabavać siabie ŭ… pakajańni.

Heta miuzikł, tak što pryhody Emilii i Ryty supravadžajucca tancami i pieśniami na ispanskaj i anhlijskaj movach. U hałoŭnych rolach aktrysy Zoi Sałdana i Karła Safija Haskon (jana pierakanaŭča ŭvasobiła adrazu i Manitasa, i Emiliju), zdymajecca taksama Sielena Homies — hetaja śpiavačka tut hraje Džesi, žonku-ŭdavu Manitasa. Homies, jakaja raspačynała karjeru jak aktrysa, u apošnija hady pieścić nas chiba što pracaj u detektyvie «Zabojstvy ŭ adnym budynku», i ciapierašniaja stužka — viartańnie dla jaje ŭ vialikaje kino, a taksama krok napierad u akciorskaj karjery.

Ź pieśniami, darečy, atrymałasia niepryjemna. Pad videa muzyčnych numaroŭ z «Emilii Pieres», što raźmieščanyja na jutubie, ciapier jość dziasiatki krytyčnych kamientaroŭ ad ispanamoŭnych. Ludzi pišuć, što ispanskaja mova ŭ pieśniach miuzikła niby z Google Translate i hučyć nie nadta zrazumieła dla tych, kamu jana rodnaja — niepryhožy štrych dla miuzikła, jaki da apošnich kadraŭ sprabuje ładzić dla hledačoŭ akno ŭ Mieksiku.

U stvaralnikaŭ «Emilii Pieres» atrymałasia adnaznačna žanočaje kino. Try žančyny, takija niepadobnyja adna da adnoj, sustrakajucca ŭ hetaj historyi: Ryta — karjerystka, Džesi, jakaja prosta šukaje luboŭ, dy Emilija — duša, jakaja šukaje siabie i znachodzić, tolki zanadta pozna. Razam try žančyny prachodziać praz vyprabavańni, raskryvajuć siabie z novych bakoŭ i demanstrujuć, mabyć, hałoŭnuju ideju stužki — toje, što ad siabie nie źbiehčy, navat kali vielmi chočacca, ale pry hetym šans na pakajańnie zaŭždy jość.

U hety karnavał pryhoža ŭplecienaja historyja mieksikanskaj mafii i jaje šmatlikich achviaraŭ — trahiedyja cełaj krainy, pra jakuju my tak mała viedajem. Scenar atrymaŭsia ambicyjny, voś tolki raźviazka ŭ filmie niečakana banalnaja dla jaho.

Z žanru miuzikła «Emilija Pieres» vyciskaje pa maksimumie, jaje stvaralniki ŭmieła bałansujuć pamiž lohkaściu i hłybinioj. Ale ŭsio-tki najlepšaje, što atrymałasia ŭ hetaj stužcy — stvaryć ź jaje odu žanockaści dy supravadzić tuju odu jarkimi muzyčnymi numarami. U astatnim «Emilija Pieres» — choć i pryhožaja dy śmiełaja, ale zbolšaha małasensoŭnaja fiejeryja, jakuju zabyvaješ praź niekalki chvilin paśla finalnych tytraŭ. 

«Naša Niva» — bastyjon biełaruščyny

PADTRYMAĆ

Kamientary

Ciapier čytajuć

U Minsku pachavali jak achviar nacyzmu 75 čałaviek, pareštki jakich znajšli kala byłoj dačy Canavy. Ale bolš padobna, što heta achviary savietaŭ

U Minsku pachavali jak achviar nacyzmu 75 čałaviek, pareštki jakich znajšli kala byłoj dačy Canavy. Ale bolš padobna, što heta achviary savietaŭ

Usie naviny →
Usie naviny

Jak adroźnić časovaje vypadzieńnie vałasoŭ ad abłysieńnia? Tłumačyć trychołah

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej23

Łukašenka raskazaŭ, što karova pavinna stajać u pałacy i kožnamu nieabchodna «choć pa dźvie barazionki» bulby pasadzić20

U Kijevie ŭžo kala 100 paciarpiełych padčas načnoha ŭdaru1

Izrail zabiŭ i novaha kiraŭnika Hienštaba armii Irana. Jon zajmaŭ pasadu paru dzion7

U Minsku źnikła piensijanierka. Akazałasia, što jana pa prośbie «śledčych» stała kurjeram machlaroŭ 

Jakija banki hatovy ŭziać u vas nie samyja idealnyja kupiury

Što ciapier z archivam KDB ab represijach u BSSR, jaki zmahli zdabyć byłyja siłaviki? Kali jaho apubličać?51

Biełaruski pijanist uziaŭ adrazu try pryzy na konkursie ŭ Valensii

bolš čytanych navin
bolš łajkanych navin

U Minsku pachavali jak achviar nacyzmu 75 čałaviek, pareštki jakich znajšli kala byłoj dačy Canavy. Ale bolš padobna, što heta achviary savietaŭ

U Minsku pachavali jak achviar nacyzmu 75 čałaviek, pareštki jakich znajšli kala byłoj dačy Canavy. Ale bolš padobna, što heta achviary savietaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić