KNDR adkazała Łukašenku: nijakich zaprašeńniaŭ jamu nie dasyłali, heta jon damahajecca sustrečy
Kim Jo Čžon, siastra kiraŭnika KNDR, rezka adkazała Alaksandru Łukašenku, jaki dniami zajaviŭ, što KNDR, siarod inšych krain, nakiravała Biełarusi svaje prapanovy ab arhanizacyi sustreč na vyšejšym uzroŭni.
Kim Jo Čžon źviartaje ŭvahu, što z paviedamleńnia TASS možna zrabić vysnovu, što heta KNDR prapanavała pravieści sustreču ŭ Minsku.
«Nakolki ja viedaju, takoha niama», — paviedamlaje namieśnica kiraŭnika CK Pracoŭnaj partyi Karei.
Jana zapeŭnivaje, što heta nie KNDR, a Biełaruś prosić pra sustreču.
«Ja dobra viedaju, što biełaruski bok užo jak minimum dva hady ščyra raźličvaje na kantakty z KNDR na vysokim uzroŭni», — cytuje Kim Jo Čžon CTAK.
Kim Jo Čžon faktyčna vinavacić Łukašenku ŭ chłuśni.
«Kali vy spadziajeciesia na raźvićcio supracoŭnictva z nami, važna vyrazna paznačyć svaje namiery. Ja liču, što praŭdzivaść i sumlennaść pavinny być u dvuchbakovych adnosinach pamiž krainami», — patrabuje praŭdzivaści paŭnočnakarejskaja kiraŭnička.
Ciapier čytajuć
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary