Tusk: Rasija płanavała akty pavietranaha teroru suprać Polščy i avijakampanij pa ŭsim śviecie
Premjer-ministr Polščy na pres-kanfierencyi z Uładzimiram Zialenskim zajaviŭ, što Rasija płanavała dyviersii na samalotach.
Na sumiesnaj pres-kanfierencyi z prezidentam Ukrainy Uładzimiram Zialenskim polski premjer padkreśliŭ, nakolki važnyja sumiesnyja dziejańni dla biaśpieki nie tolki Ukrainy ci Polščy, ale i ŭsiaho rehijonu, piša WP.
Tusk pryznaŭ, što niadaŭna vioŭ pieramovy, u pryvatnaści, adnosna biaśpieki Bałtyjskaha mora
«Havorka idzie ab sumiesnych dziejańniach suprać rasijskaj ahientury i rasijskich dyviersij.
Ja nie budu zaraz udavacca ŭ padrabiaznaści, ale Rasija płanavała akty pavietranaha teroru nie tolki suprać Polščy, ale i suprać avijakampanij pa ŭsim śviecie», — zajaviŭ polski premjer.
Pavodle infarmacyi The New York Times, Džo Bajden i amierykanskaja raźviedka papiaredžvali Uładzimira Pucina ab nastupstvach zapłanavanych rasijanami dyviersij z vykarystańniem vybuchoŭki ŭ samalotach na transantłantyčnych maršrutach.
Jak piša vydańnie, rasijskija śpiecsłužby płanavali raźmiaščać samaŭzharalnyja kurjerskija pasyłki na borcie samalotaŭ, jakija laciać u ZŠA i Kanadu.
Ministr unutranaj biaśpieki ZŠA Alechandra Majorkas padkreśliŭ, što «ryzyka surjoznaj avaryi realnaja». Amierykanskija śpiecsłužby vyśvietlili, što rasijanie testavali hety mietad uletku, kali ŭspychnuli pažary ŭ anharach u Hiermanii, Vialikabrytanii i Polščy.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty7
Kamientary