Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
Mužčyna ŭžo «dobraachvotna» pieraličyŭ dziciačym damam usiu sumu — 600 tysiač dalaraŭ. Ale heta nie dapamahło.
44-hadovamu žycharu Ivanava Alaksandru Darahakupcu inkryminavali pieraličeńnie «ekstremisckim farmiravańniam», u tym liku Pałku Kalinoŭskaha», hrašovych srodkaŭ i kryptavaluty ŭ sumie nie mienš za 11 tys. rubloŭ, paviedamiła Hienprakuratura.
Abvinavačvańnie ŭklučała niekalki artykułaŭ KK (č. 6 art. 16 i č. 3 art. 130, č. 3 art. 361-1, č. 1 art. art. 361-2, č. 2 art. 361-2, č. 2 art. 361-3, č. 1 art. 361-4, č. 2 art. 361-4):
- sadziejničańni naŭmysnym dziejańniam, skiravanym na raspalvańnie sacyjalnaj varožaści i varažniečy pa prykmiecie inšaj sacyjalnaj prynaležnaści;
- uvachodžańni asoby ŭ skład ekstremisckaha farmiravańnia z metaj ździajśnieńnia złačynstva ekstremisckaj nakiravanaści;
- davańni hrašovych srodkaŭ lubym sposabam dla śviadomaha zabieśpiačeńnia ekstremisckaj dziejnaści, u tym liku paŭtorna;
- sadziejničańni ekstremisckaj dziejnaści;
- finansavańni vierbavańnia, navučańnia, inšaj padrychtoŭki i vykarystańnia hramadzian Biełarusi i asob biez hramadzianstva, jakija pastajanna pražyvajuć u Biełarusi, dla ŭdziełu na terytoryi zamiežnaj dziaržavy ŭ składzie ŭzbrojenaha farmiravańnia adnaho z supraćlehłych bakoŭ, va ŭzbrojenych kanfliktach i vajennych dziejańniach pry adsutnaści prykmiet najmictva.
Pa sukupnaści abvinavačańniaŭ mužčynu pryznačana pakarańnie ŭ vyhladzie pazbaŭleńnia voli na termin 5 hadoŭ 6 miesiacaŭ z adbyvańniem u papraŭčaj kałonii va ŭmovach uzmocnienaha režymu sa štrafam 50 000 bazavych vieličyń (2,1 młn rubloŭ).
U chodzie rasśledavańnia kryminalnaj spravy mužčyna «dobraachvotna pieraličyŭ» Červieńskamu domu-internatu dla dziaciej-invalidaŭ z asablivaściami psichafizičnaha raźvićcia, Ivianieckamu domu-internatu dla dziaciej-invalidaŭ z asablivaściami fizičnaha raźvićcia i Respublikanskamu centru arhanizacyi miedycynskaha reahavańnia 600 tysiač dalaraŭ ZŠA.
-
U Minsku ažanilisia 15-hadovaja dziaŭčyna i 16-hadovy chłopiec
-
Mikałaj-Aciła, Brydžyt-Aŭrelija, Ivan-Čyjemierye. Jakija imiony dla niemaŭlat byli samymi papularnymi ŭ stalicy, a jakija ździvili
-
Prapanoŭvali hrošy, novy pašpart i naviedvańnie Biełarusi biez nastupstvaŭ. Biełaruska za miažoju raskazała, jak jaje vierbavaŭ KDB
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Voś za heta bolš za ŭsio i pomściać. Usio ž adčuvajuć, što jość ludzi lepš za ich, što sami na ich fonie vyhladajuć drobnieńka i škodnieńka.