Vyjšaŭ na svabodu 76-hadovy Siamion Dobkin, brat zasnavalnika EPAM
Kiraŭniku bresckaj kampanii HSKB prysudzili 6,5 hoda kałonii strohaha režymu, ale jon apynuŭsia na voli pryblizna praz hod źniavoleńnia.
Jak stała viadoma «Našaj Nivie», 76-hadovy biznesmien Siamion Dobkin viarnuŭsia na pracu ŭ bresckuju kampaniju HSKB.
Brat zasnavalnika EPAM Arkadzia Dobkina byŭ aryštavany ŭ śniežni 2023 hoda. U vieraśni 2024 hoda jamu prysudzili 6,5 hoda źniavoleńnia. Aficyjnaje abvinavačvańnie — atrymańnie chabaru.
Sutnaść abvinavačańnia i akaličnaści spravy nieviadomyja — jak i ŭmovy daterminovaha vyzvaleńnia.
Biznes Siamiona Dobkina, pradpryjemstva HSKB, źjaŭlajecca najbujniejšaj ciepłatechničnaj kampanijaj na terytoryi Biełarusi.
Kampanija vypuskaje vodanahravalnyja i paravyja katły na vadkim i ćviordym palivie, harełki, utylizatary, błočna-modulnyja kacielni i inšaje inžyniernaje abstalavańnie dla žyllova-kamunalnych haspadarak, a taksama budaŭničych arhanizacyj i inšych subjektaŭ sacyjalnaha pryznačeńnia.
Arkadź Dobkin žyvie ŭ ZŠA, jon nie viartaŭsia ŭ Biełaruś z taho času, jak Łukašenka nazvaŭ jaho «drobkinym» i abvinavaciŭ u finansavańni pratestaŭ.
«Naša Niva» — bastyjon biełaruščyny
PADTRYMAĆ
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary