Kanapackaja: Babaryka — idejny prabaćka prałubianskaj niečyści, jakaja akapałasia ŭ darahich ofisach Varšavy i Vilni
Palityčnuju zajavu «realnaj apanientki ŭłady», jak daścipna siabie nazyvaje Hanna Kanapackaja, u fejsbuku łajknuli tolki piać čałaviek ź jaje 5400 padpisčykaŭ. Dyj siarod tych dvoje rahočuć sa sparynh-partniorki Alaksandra Łukašenki.
Kandydatka ŭ prezidenty Hanna Kanapackaja vykazałasia nakont palitviaźnia Viktara Babaryki, jakoha pakazali ŭpieršyniu za doŭhi čas:
«Majo staŭleńnie da hetaj asoby z hadami nie źmianiłasia. Nu, moža, krychu žalu dadałosia. Ale heta chutčej — žanočaje. Dla mianie jak palityka jon — finansavy i idejny prabaćka trahiedyi biełaruskaha naroda leta — vosieni 2020 hoda i ŭsioj vyłuplenaj z tych padziej prałubianskaj niečyści, jakaja ciapier akapałasia ŭ darahich ofisach Varšavy i Vilni».
Razam z tym Kanapackaja, jakaja nazyvaje siabie «realnym apanientam ułady», vitaje pamiłavańnie palitźniavolenych. Na jaje novaj movie heta nazyvajecca «dziejańni, skiravanyja na adnaŭleńnie zhody ŭ hramadstvie pa pytańni źmiakčeńnia ŭmoŭ dla tych, chto adbyvaje pakarańnie, źviazanaje z padziejami minułaha elektaralnaha cykłu».
«Kali heta źviazana z elektaralnaj kampanijaj, u jakoj ja prymaju niepasredny ŭdzieł, — značyć, my ŭsio robim pravilna», — padsumoŭvaje Kanapackaja.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary