Padčas naviedvańnia chrama ŭ Łahojsku Alaksandr Łukašenka prakamientavaŭ navahodni zvarot Uładzimira Zialenskaha, u jakim toj zhadaŭ Biełaruś.
Nahadajem, što prezident Ukrainy ŭ videavinšvańni zajaviŭ ab nieabchodnaści padtrymlivać narody, jakija viaduć baraćbu za svabodu, u pryvatnaści, małdavan, hruzinaŭ i biełarusaŭ:
«Ja ŭpeŭnieny, nastanie dzień, kali my ŭsie skažam: «Žyvie Biełaruś!», — skazaŭ Zialenski.
Na hetyja słovy amal praz tydzień vyrašyŭ adkazać Alaksandr Łukašenka.
«Nu, žyvie. Naturalna, žyvie. Jon, praŭda, skazaŭ, što chutka pa ŭsioj Biełarusi ŭsie buduć hetyja łozunhi pramaŭlać. Jon nibyta namiakaŭ, što chutka ŭ nas budzie, jak va Ukrainie. Ja tak padumaŭ, pačuŭšy jaho. I dumaju: «Nie daj boh», — skazaŭ Łukašenka.
Jon praciahnuŭ temu Ukrainy i, padobna, adkazaŭ na zajavy Zialenskaha ŭ intervju amierykanskamu padkaścieru Leksu Frydmanu. U pryvatnaści, prezident Ukrainy skazaŭ, što Łukašenka pierad im vybačaŭsia za rasijskaje ŭvarvańnie z terytoryi Biełarusi i prapanoŭvaŭ udaryć pa Mazyrskim NPZ.
«Čamu Vałodzia Zialenski siabie tak pavodzić? My ž narmalna ź im byli, u dobrych adnosinach. I maja maleńkaja siamja taksama. Čaho jon viakaje, čaho jamu nie chapaje? Jamu dajuć kamandu. Treba ŭsialak rabić usio, kab uciahnuć krainu ŭ vajnu.
Kali nas uciahnuć u vajnu, heta ciažkaja situacyja. My možam nie vytrymać jak dziaržava. Tamu ja rablu ŭsio ciarpliva, nastojliva, jak boh nas i carkva vučać. Robim svaju spravu. Čas usio adbuduje. Čas daść usim acenku. Ale nam treba vystajać.
Niachaj kažuć, što ŭ nas tut dyktatura, jašče štości. Słuchajcie, lepš takaja dyktatura, jak u Biełarusi, čym takaja demakratyja, jak va Ukrainie. Nam treba vytryvać heta. Ni ŭ jakim razie nielha šarachacca», — zaklikaŭ Łukašenka.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary
Chutka Pucin daść jamu jašče adzin orden Rasii.
Naturalna, žyvie!