Pra raźmiaščeńnie albomu duchoŭnych tvoraŭ Mikoły Kulikoviča ad Concordia Choir na jutubie paviedamiła mastackaja kiraŭnica choru Halina Kazimiroŭskaja na svajoj staroncy ŭ fejsbuku.
«U chutkim časie albom źjavicca na ŭsich muzyčnych anłajn placoŭkach!
Vialiki dziakuj usim, chto nam dapamahaŭ i padtrymlivaŭ, hety albom — vialikaja sumiesnaja praca! <…>
Dla mianie hety albom całkam cud! Bolšaść tvoraŭ u novych redakcyjach hučyć upieršyniu! Muzyčnaje zołata ź biełaruskaj skarbnicy Francis Skaryna Belarusian Library and Museum in London. Noty, jakija byli napisanyja Kulikovičam u 1950-1960-ch hadach, jakija ad 1971 hoda znachodzilisia ŭ skryniach Skarynaŭki, pieratvarylisia ŭ huki!
Muzyka pavinna hučać! Paśla bolš čym 50 hod hetyja skryni zahučali!!! Ja vieru ŭ kosmas i suviazi časoŭ, vieru, što pavaha da našaj historyi i kulturnaj spadčyny — kluč da našaj budučyni i sensaŭ!
Znajdzicie čas, pasłuchajcie tvory vialikaha biełaruskaha kampazitara MIkoły Kulikoviča!», — piša Halina Kazimiroŭskaja.
Mikoła Ščahłoŭ-Kulikovič (1893—1969) — biełaruski kampazitar, muzykołah, etnohraf, paet i dziejač biełaruskaha ruchu ŭ emihracyi. Vypusknik Maskoŭskaj kansiervatoryi, pierad Druhoj suśvietnaj vajnoj jon žyŭ u Minsku, byŭ adnym z arhanizataraŭ Teatra opiery i baleta Biełarusi, dyryžoram jaho simfaničnaha arkiestra, z 1939 — dyryžor simfaničnaha arkiestra Usiebiełaruskaha radyjokamiteta, muzyčny redaktar Biełaruskaha radyjo.
Padčas niamieckaj akupacyi zajmaŭsia tvorčaj pracaj u Minsku, u 1943 hodzie vydaŭ «Zbornik kupalskich i žniŭnych biełaruskich pieśniaŭ». Z 1944 hoda ŭ emihracyi ŭ Hiermanii, z 1950-ha — u ZŠA (u Čykaha). U 1950 hodzie zasnavaŭ u Ńju-Jorku biełaruski chor, potym kiravaŭ biełaruskimi chorami ŭ Kliŭlendzie i Čykaha.
Pakinuŭ vialikuju muzyčnuju spadčynu; byŭ aŭtaram opier, simfonij, vakalnych tvoraŭ, apracovak narodnych piesień.
Kiraŭnica «Volnaha choru»: Adzin z punktaŭ dla repietycyj byŭ pobač z budynkam KDB
«Ja jak Alisa — patrapiła ŭ krainu cudaŭ». Stvaralnica «Volnaha choru» raskazała, jakija muzyčnyja skarby znajšła ŭ Skarynaŭskaj biblijatecy ŭ Łondanie
«Zamiest «Łukašenku ŭ aŭtazak!» zaśpiavać «Mahutny Boža». Kiraŭnica «Volnaha choru» raskazała pra dopyty, «Kalinku-malinku» i nacyjanalnuju ideju
Ciapier čytajuć
Łukašenku na śviacie ŭ Aleksandryi supravadžała aficer Zajcava10
Kamientary