Stała viadoma aficyjnaja pryčyna śmierci Makieja, Ašurka i Tarajkoŭskaha
Bazy danych «Kibierpartyzan» papoŭnilisia infarmacyjaj pra pamierłych u Respublicy Biełaruś da 2024 hoda z aficyjnymi pryčynami śmierci. Pra heta abjadnańnie paviedamiła ŭ svaim telehram-kanale.
«Takim čynam, danyja pa-raniejšamu vyciakajuć, a režym nie ŭ stanie heta praduchilić», — kanstatujuć «Kibierpartyzany».
Taksama jany abiacali nieŭzabavie apublikavać niekatoruju statystyku pa śmiarotnaści i naradžalnaści ŭ Biełarusi.
U jakaści prykładaŭ toj infarmacyi, jakuju ŭdałosia zdabyć, «Kibierpartyzany» źmiaščajuć niekalki skrynšotaŭ z bazy, datyčnaj viadomych asob, jakija pajšli z žyćcia ŭ apošnija hady. Śmierci hetych asob mieli vialiki hramadski rezanans, a ich abstaviny nie da kanca zrazumiełyja.
Adnosna byłoha ministra zamiežnych spraŭ Uładzimira Makieja i byłoha ministra transpartu i kamunikacyj Alaksieja Aŭramienki pryčyna śmierci paznačanaja jak «inšyja niedakładna paznačanyja i nieŭdakładnienyja pryčyny śmierci». Adnosna abodvuch u «Našaj Nivy» była infarmacyja, što jany skončyli žyćcio samahubstvam.
Taja samaja pryčyna paznačanaja i dla pamierłaha ŭ źniavoleńni palitviaźnia Vitolda Ašurka.
Što tyčycca zahinułych padčas pratestaŭ 2020 hoda Hienadzia Šutava i Alaksandra Tarajkoŭskaha, to pryčynaj śmierci pieršaha paznačanaja «ačahovaja traŭma hałaŭnoha mozha», a druhoha — «adkrytaja rana piaredniaj ścienki hrudnoj kletki».
Urešcie, «Kibierpartyzany» źmiaščajuć taksama skrynšoty, datyčnyja dvuch zahinułych 28 vieraśnia 2021 hoda ŭ vyniku ŭvarvańnia siłavikoŭ u kvateru ajcišnika Andreja Zielcara — samoha Zielcara i kadebešnika Dźmitryja Fiedasiuka.
Pryčyna śmierci Andreja Zielcara — «adkrytaja rana piaredniaj ścienki hrudnoj kletki», Dźmitryja Fiedasiuka — «inšyja ŭdakładnienyja traŭmy z uklučeńniem niekalkich abłaściej cieła».
Ciapier čytajuć
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej3
Jak u Amierycy. U Babrujsku handlovy centr adčyniali z pompaj, pierarazańniem čyrvonaj stužki i šturmam dźviarej
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary