Prezident Irana nakłaŭ vieta na zakon ab abaviazkovym našeńni chidžaba
U Iranie razhareŭsia kanflikt va ŭradzie praz zakon ab chidžabie. Novy zakon, pryniaty parłamientam, robić bolš žorstkimi patrabavańni da abaviazkovaha našeńnia chidžaba dla žančyn i praduhledžvaje surovyja pakarańni za jaho parušeńnie. Adnak prezident Irana Masud Piezieškijan nakłaŭ vieta na hety zakon, bajučysia, što jon moža vyklikać novyja hramadskija chvalavańni, piša Bild.
Iranskaje vydańnie Hamshari piša, što prezident pieradaŭ pytańnie ŭ Najvyšejšuju radu nacyjanalnaj biaśpieki — hałoŭny orhan, jaki prymaje klučavyja rašeńni ŭ Iranie. Hety krok moža pryvieści da častkovaj admieny zakona.
Novaje zakanadaŭstva ŭvodziła za nienašeńnie chidžaba strohija miery, uklučajučy bujnyja štrafy, zabaronu na pajezdki za miažu i kanfiskacyju majomaści, asabliva dla viadomych asob.
Niadaŭni incydent ź iranskaj śpiavačkaj Parastu Achmadzi, jakaja vystupiła biez chidžaba i apublikavała zapis na jutubie, vyklikaŭ hramadski rezanans. Jaje razam z udzielnikami hrupy aryštavali za «parušeńnie isłamskich normaŭ», adnak nieŭzabavie adpuścili. Na fonie hramadskaha cisku i roznahałośsiaŭ va ŭradzie pryniaćcie zakona było časova prypyniena.
Niahledziačy na pahrozy pakarańniaŭ, mnohija žančyny ŭ bujnych haradach Irana praciahvajuć adkryta vystupać suprać abaviazkovaha našeńnia chidžaba.
U Iranie zatrymali śpiavačku, jakaja praśpiavała biez chidžaba. Ale niečakana jaje adpuścili
U Iranie 27-hadovaja śpiavačka vystupiła ź niepakrytaj hałavoj na kancercie, što zabaroniena praviłami krainy VIDEA
U Iranie studentka raspranułasia na vulicy da bializny ŭ znak pratestu suprać chidžaba VIDEA
Iranskamu błohieru prysudzili 12 hadoŭ turmy za tvit z kropkaj
Viarchoŭny sud Irana admianiŭ śmiarotny prysud papularnamu repieru, jaki padtrymaŭ pratesty
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary