U Iranie studentka raspranułasia na vulicy da bializny ŭ znak pratestu suprać chidžaba VIDEA
Studentka Isłamskaha ŭniviersiteta Azad u Tehieranie źniała adzieńnie i prajšłasia pa kampusie z-za pieraśledu za niapravilnaje našeńnie chidžaba.
U sacyjalnych sietkach raspaŭsiudziŭsia videazapis ź dziaŭčynaj, jakaja ŭ nižniaj bialiźnie chodzić pa dvary Navukova-daśledčaha adździeła ŭniviersiteta.
Studenckaja hrupa Amir Kabir Newsletter paviedamiła, što studentka raspranułasia paśla taho, jak na dziaŭčynu napali za adsutnaść chustki i razarvali vopratku supracoŭniki słužby biaśpieki. Tam taksama adznačyli, što dziaŭčynu ŭdaryli hałavoj ab dźviery aŭtamabila.
Usie žančyny ŭ Iranie abaviazany chavać vałasy pad chustkaj i nasić svabodnaje adzieńnie. Z krasavika na vulicach haradoŭ Irana pavialičyłasia kolkaść supracoŭnikaŭ «Basidž», jakija sočać za pravilnym našeńniem chidžaba, a ŭniviersitety ŭkaranili technałohii raspaznańnia asob na ŭvachodzie, kab nie prapuskać studentak, čyj źniešni vyhlad nie adpaviadaje praviłam. Niahledziačy na heta, mnohija žančyny ŭ Tehieranie ŭ znak pratestu pakidajuć hałavu niepakrytaj.
Kamientary
Voschiŝajuś i płAču. Iranskije žienŝiny - hieroi. No hieroizm nie imiejet smysła.