U Minsku pačaŭ pracavać hałoŭny kaladny kirmaš

Paviedamlajecca, što na kirmašach budzie pradstaŭlena mnostva navahodnich tavaraŭ — ad jołačnych cacak i ŭpryhožvańniaŭ da aryhinalnych suvieniraŭ i padarunkavych naboraŭ. U mieniu prapanujucca stravy biełaruskaj kuchni: haračyja bliny, draniki z raznastajnym načyńniem i sousami, bulbianyja stravy i haračyja supy, a taksama vypiečka, kandytarskija vyraby, imbirnyja pierniki i haračyja napoi.

Kirmaš budzie adkryty kožny dzień, pačynajučy z 13:00. U vychadnyja jon budzie pracavać da 22:00, a ŭ budnyja dni — da 21:00.

25 śniežnia, 1, 2 i 7 studzienia kirmaš praciahniecca da 23:00. Na Novy hod jon adkryjecca 31 śniežnia ŭ 15:00 i budzie zakryty ŭ 4:00 1 studzienia.

Pa rajonach Minska taksama buduć pracavać svaje kirmašy, ale paźniej. Pry hetym jany buduć adnadzionnymi. 

Zavodski rajon

Śviatočny kirmaš adbudziecca 25 śniežnia z 10:00 da 16:00 na vulicy Nieścierava, 58, kala kramy «Santa».

Leninski rajon

Kirmaš projdzie 25 śniežnia z 10:00 da 16:00 na praśpiekcie Rakasoŭskaha, 150a, kala kinateatra «Salut».

Maskoŭski rajon

Tut kirmaš zapłanavany na 21 śniežnia z 12:00 da 17:00 na praśpiekcie Lubimava, 7, u parku imia Michaiła Paŭłava.

Kastryčnicki rajon

Mierapryjemstva projdzie 25 śniežnia z 10:00 da 16:00 kala Pałaca čyhunačnikaŭ pa adrasie: vulica Čkałava, 7.

Partyzanski rajon

Kirmaš adbudziecca 25 śniežnia z 10:00 da 16:00 na bulvary Traktarabudaŭnikoŭ.

Pieršamajski rajon

Tut kirmaš budzie arhanizavany 24 śniežnia z 11:00 da 16:00 na vulicy Rusijanava, 1, kala mahazina «Palmira».

Saviecki rajon

Kirmaš projdzie 25 śniežnia z 10:00 da 16:00 kala Kamaroŭskaha rynku na vulicy Viery Charužaj, 8.

Frunzienski rajon

Mierapryjemstva stanie miescam sustrečy 25 śniežnia z 10.00 da 16.00 u parku imia Uha Čaviesa na vulicy Kazimiraŭskaj.

Centralny rajon

Kirmaš budzie arhanizavany 21 śniežnia z 11:00 da 16:00 kala Minskaha dziaržaŭnaha pałaca dziaciej i moładzi, pa adrasie: Staravilenski trakt, 41.

Pavialičyć

Taksama 14 śniežnia ŭ Minsku adkryŭsia pieršy jołačny bazar, jaki arhanizavaŭ Minski lashas pa adrasie vuł. Bahracijona, 70. Čas pracy štodzień z 10:00 da 20:00, až da 31 śniežnia.

Ceny na bazary zaležać ad pamieraŭ jalinki:

Jalinka zrezanaja: 

• da 1 m — 20,70 rub.
• ad 1,1 da 2 m — 29 rub.
• ad 2,1 da 3 m — 36,20 rub.

Jalinka ŭ kadcy:

• da 1 m — 38,20 rub.
• ad 1,1 da 1,5 m — 52,50 rub.
• ad 1,6 da 2,0 m — 62,10 rub.

Navahodni bukiet budzie kaštavać 24 rub., navahodniaja ikiebana — 51,50 rub.

Popyt na jalinki čakajuć vielmi vysoki. Tak, u 2023 hodzie biełarusy nabyli ich kala 145 tysiač. Akramia asnoŭnaha tavaru, na bazary naviedvalnikam taksama prapanujuć sapraŭdnuju lasnuju harbatu i miadovy pačastunak.

Z 16 śniežnia pačnie pracavać anałahičny jołačny bazar na praśpiekcie Dziaržynskaha, 126 (kala kramy Prostore).

Astatnija bazary adkryjucca 20—21 śniežnia.

• 2
• 0
• 0
• 0
• 0
• 0
• 0
• 0