Aryna Sabalenka ŭvajšła ŭ top-5 spartsmienak, jakija ŭ 2024 hodzie zarabili najbolš hrošaj
Pavodle padlikaŭ finansavaha vydańnia Sportico, siarod 15-ci samych zamožnych spartsmienak dzieviać hulajuć u tenis, a ŭ pieršaj piaciorcy razbavić ich zmahła tolki adna frystajlistka.
26-hadovaja biełaruska Aryna Sabalenka sa svaimi zaroblenymi za hod $17,7 młn zaniała ŭ suśvietnym rejtynhu 5-je miesca.
Apiaredžvajuć jaje nastupnyja spartsmienki:
1. 20-hadovaja tenisistka Koka Haŭf z ZŠA — $30,4 młn;
2. 21-hadovaja frystajlistka Ejlin Hu z ZŠA — $22,1 młn;
3. 23-hadovaja tenisistka Iha Śviontek z Polščy — $21,4 młn;
4. 22-hadovaja tenisistka Čžen Cyńveń z Kitaja — $20,6 młn.
U hetyja zaroblenyja spartsmienkami sumy ŭvachodziać jak hrošy, atrymanyja niepasredna ad sportu, tak i dachody ad rekłamy. Usie sumy paznačanyja da vyličvańnia padatkaŭ i ahienckich zboraŭ.
Aryna Sabalenka ŭ listapadzie stała pieršaj rakietkaj śvietu pavodle rejtynhu Suśvietnaj žanočaj tenisnaj asacyjacyi, i hety tytuł jana budzie zachoŭvać da kanca hoda.
Kamientary
i ja nie raz kazała, čamu
Muślima Mahomajeva lubitie
* čto vy budietie płavať po južnym moriam v poiskach rośsijskoj niefti