Baptysckamu prapaviedniku Mikałaju Chiłu vystavili abvinavačvańnie pa ciažkim artykule
Spačatku mierkavałasia, što jaho aryštavali za «abrazu Łukašenki».
Mikałaju Chiłu 41 hod. Jon skončyŭ MDŁU ŭ 2006 hodzie. Mikałaj viadomy najpierš jak pratestancki prapaviednik u carkvie jevanhielskich chryścijanaŭ-baptystaŭ «Dabravieście».
Chiła byŭ zatrymany 24 krasavika 2024 hoda, i pravaabaroncy mierkavali, što jamu inkryminujuć «abrazu Łukašenki». Heta toj artykuł, pa jakim možna abmiežavacca i chimijaj.
Adnak, jak vyśvietliłasia, u vyniku prapaviedniku vystavili abvinavačvańnie pa dvuch artykułach — 130 č. 1 (raspalvańnie varožaści) i 361 č. 3 (zakliki da sankcyj). Pakarańnie pa druhim ź ich praduhledžvaje ad 4 da 12 hadoŭ kałonii.
Praces pačniecca 23 śniežnia 2024 u Minskim haradskim sudzie.
Sudzić jaho budzie Alena Ananič. Jana sudziła šmat viadomych palitviaźniaŭ — naprykład, admieryła 11 hadoŭ byłomu śledčamu Jaŭhienu Juškieviču, 4 hady studentu-miedyku Uładzisłavu Marcinoviču, 8 hadoŭ advakatu Vitalu Brahincu. Ahułam jana vyniesła dziasiatki prysudaŭ na dakładna bolš sotni hadoŭ pazbaŭleńnia voli.
***
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spraŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆ-
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
-
U harach Kyrhyzstana z drona adšukali cieły źnikłych biełaruskich alpinistaŭ
-
Ź Biełarusi vysyłajuć bolš za dziesiać polskich śviataroŭ. U Mahilovie ŭžo raźvitalisia z probaščam — i z prajektam novaha kaścioła
Kamientary
...
a Pavieł Łatuška choć adnaho palitviaźnia ŭ svaim domiku pryjuciŭ? moža chacia b dačku svaju?