Byłomu śledčamu Jaŭhienu Juškieviču dali 11 hadoŭ źniavoleńnia
Cud nad byłym śledčym i inicyjataram prajekta ByChange Jaŭhienam Juškievičam prachodziŭ u Minskim haradskim sudzie z 15 listapada. Adbyvaŭsia jon u zakrytym režymie.
Jaŭhiena asudzili pa troch artykułach Kryminalnaha kodeksa — č. 1 art. 130, č. 1 art. 293, č. 1 art. 342.
Jaho sudzili ŭ tym liku za «arhanizacyju masavych biesparadkaŭ» u 2020 hodzie, «raspalvańnie inšaj sacyjalnaj varožaści» ŭ intervju i tekstach u sacsietkach, «pahrozu hvałtam» načalniku IČU na Akreścina praz tvit, piša «Viasna». Paviedamlajecca, što Juškievič byŭ «aktyŭnym udzielnikam Telegram-čata «CHATA», dziejnaść jakoha nakiravana na arhanizacyju złačynstvaŭ ekstremisckaj nakiravanaści».
Spravu razhladała sudździa Alena Ananič.
Jaŭhien za kratami znachodzicca hod i vosiem miesiacaŭ. U 2020-m Jaŭhien staŭ raspracoŭščykam i inicyjataram prajekta ByShange, jaki dapamahaŭ u navučańni, pierapadrychtoŭcy siłavikoŭ, dziaržsłužačych i ludziej, jakija syšli z pracy pa mierkavańniach sumleńnia ci jakich zvolnili.
Sud nad byłym śledčym Jaŭhienam Juškievičam prachodzić u zakrytym režymie
Ciapier čytajuć
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy18
Kamientary