Manašku ŭ Italii aryštavali za suviaź z mafijaj. Jakija funkcyi jana vykonvała?
Manaška była siarod 25 čałaviek, aryštavanych pa padazreńni ŭ prynaležnaści da złačynnaj hrupoŭki, źviazanaj z samaj mahutnaj mafijoznaj sietkaj krainy.
Jak paviedamlaje Reuters, italjanskaja palicyja zatrymała manašku, jakaja padazrajecca ŭ suviazi z samaj mahutnaj mafijoznaj sietkaj krainy «Ndranhieta». Žančyna ŭvachodzić u lik 25 čałaviek, jakija byli aryštavanyja ŭ chodzie maštabnaj apieracyi pravaachoŭnych orhanaŭ na poŭnačy krainy.
Adpaviedna infarmacyi palicyi, manaška z 2010 hoda była vałanciorkaj adnoj z turmaŭ Miłana. Ułady śćviardžajuć, što jana słužyła suviaznym źvianom pamiž złačynnaj hrupoŭkaj i źniavolenymi ŭ turmu členami bandy.
57-hadovaja manaška viadomaja svajoj dziejnaściu ŭ sacyjalna niespryjalnych rajonach Miłana. U lutym jana stała adnoj z łaŭreataŭ uznaharody «Załaty Panietonie» — štohadovaj premii, jakaja ŭručajecca ŭ Miłanie za ŭniosak u sacyjalny dabrabyt i raźvićcio supolnaści.
U pres-relizie palicyi havorycca, što siarod aryštavanych taksama dvoje miascovych palitykaŭ. Adzin ź ich naležyć da kiroŭnaj partyi «Braty Italii», jakuju ŭznačalvaje premjer-ministr Džordža Miełoni.
Padazravanych abvinavačvajuć u roznych złačynstvach, uklučajučy vymahańnie, podkup hałasoŭ, niezakonnaje zachoŭvańnie zbroi, admyvańnie hrošaj, lichviarstva, handal narkotykami i ŭchileńnie ad vypłaty padatkaŭ.
Palicyja paviedamlaje, što ŭ chodzie apieracyi taksama było kanfiskavana 1,8 miljona jeŭra.
«Ndranhieta» — adna z samych bahatych i ŭpłyvovych arhanizavanych złačynnych hrupovak u śviecie, jakaja pachodzić z rehijonu Kałabryja na poŭdni Italii. Jana viadomaja tym, što vykarystoŭvaje vializnyja dachody ad handlu kakainam dla pašyreńnia svajoj dziejnaści nie tolki pa ŭsioj Italii, ale i ŭ inšych krainach Jeŭropy dy za jaje miežami.
Jak paviedamlajecca, raniej u hetym hodzie ŭ chodzie maštabnaj skaardynavanaj u šaści jeŭrapiejskich krainach kampanii było zatrymana bolš za 130 čałaviek, što ŭvachodzili ŭ hetuju mafijoznuju hrupoŭku.
U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham
U centry Miłana biełarusku abrabavali z dapamohaj adkrutki
U Italii zatrymali biełarusaŭ, jakich padazrajuć u pierabiŭcy ŭkradzienych aŭto
Ukrainskaja mafija razarvała suviazi z rasijskaj. Nastupstvy adčuvajucca pa ŭsioj Jeŭropie
Kamientary