Манашку ў Італіі арыштавалі за сувязь з мафіяй. Якія функцыі яна выконвала?
Манашка была сярод 25 чалавек, арыштаваных па падазрэнні ў прыналежнасці да злачыннай групоўкі, звязанай з самай магутнай мафіёзнай сеткай краіны.
Як паведамляе Reuters, італьянская паліцыя затрымала манашку, якая падазраецца ў сувязі з самай магутнай мафіёзнай сеткай краіны «Ндрангета». Жанчына ўваходзіць у лік 25 чалавек, якія былі арыштаваныя ў ходзе маштабнай аперацыі праваахоўных органаў на поўначы краіны.
Адпаведна інфармацыі паліцыі, манашка з 2010 года была валанцёркай адной з турмаў Мілана. Улады сцвярджаюць, што яна служыла сувязным звяном паміж злачыннай групоўкай і зняволенымі ў турму членамі банды.
57-гадовая манашка вядомая сваёй дзейнасцю ў сацыяльна неспрыяльных раёнах Мілана. У лютым яна стала адной з лаўрэатаў узнагароды «Залаты Панетоне» — штогадовай прэміі, якая ўручаецца ў Мілане за ўнёсак у сацыяльны дабрабыт і развіццё супольнасці.
У прэс-рэлізе паліцыі гаворыцца, што сярод арыштаваных таксама двое мясцовых палітыкаў. Адзін з іх належыць да кіроўнай партыі «Браты Італіі», якую ўзначальвае прэм'ер-міністр Джорджа Мелоні.
Падазраваных абвінавачваюць у розных злачынствах, уключаючы вымаганне, подкуп галасоў, незаконнае захоўванне зброі, адмыванне грошай, ліхвярства, гандаль наркотыкамі і ўхіленне ад выплаты падаткаў.
Паліцыя паведамляе, што ў ходзе аперацыі таксама было канфіскавана 1,8 мільёна еўра.
«Ндрангета» — адна з самых багатых і ўплывовых арганізаваных злачынных груповак у свеце, якая паходзіць з рэгіёну Калабрыя на поўдні Італіі. Яна вядомая тым, што выкарыстоўвае вялізныя даходы ад гандлю какаінам для пашырэння сваёй дзейнасці не толькі па ўсёй Італіі, але і ў іншых краінах Еўропы ды за яе межамі.
Як паведамляецца, раней у гэтым годзе ў ходзе маштабнай скаардынаванай у шасці еўрапейскіх краінах кампаніі было затрымана больш за 130 чалавек, што ўваходзілі ў гэтую мафіёзную групоўку.
У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам
У цэнтры Мілана беларуску абрабавалі з дапамогай адкруткі
У Італіі затрымалі беларусаў, якіх падазраюць у перабіўцы ўкрадзеных аўто
Украінская мафія разарвала сувязі з расійскай. Наступствы адчуваюцца па ўсёй Еўропе
Побач з Лукашэнкам на хакеі з'явілася новая прыгажуня10
Каментары