Сталіністу з Брэста забаранілі згадваць Лукашэнку на экскурсіях
«Шкада. Гэта была разыначка аповеду».
Пётр Піцко — былы кіраўнік моладзевага патрыятычнага цэнтра на тэрыторыі Брэсцкай крэпасці. Ён прыхільнік «рускага свету» і адзін з паплечнікаў даносчыцы Вольгі Бондаравай.
Цяпер Піцко водзіць экскурсіі ў Брэсце.
У сваім тэлеграм-канале ён расказаў, што падчас атэстацыі гідаў сутыкнуўся з нечаканай сітуацыяй.
«На апошняй атэстацыі гідаў упаўнаважаныя асобы раптам пачалі эмацыйна пратэставаць супраць згадкі асобных гістарычных дзеячаў. Непажаданай фігурай экскурсійных праграм аказаўся… А.Р. Лукашэнка.
Шкада. Гэта была разыначка аповеду ў скверы Памежнікаў. Паколькі Аляксандра Рыгоравіча ведаюць усе, агучванне факту аб тым, што ён праходзіў службу ў пагранвойсках на брэсцкай зямлі, заўсёды выклікала цікавасць у слухача», — напісаў Піцко.
«Спадзяюся экскурсаводаў у будучыні будуць хоць бы раз у 2‑3 гады збіраць і тлумачыць, пра што можна казаць, а пра што не. Бо сам я ўжо знаходжуся ў разгубленасці», — дадаў ён.
Летась, дарэчы, да Піцко прыходзілі з вобшукам сілавікі.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне28
Каментары