Расійскі палітык загінуў на вайне праз 10 дзён пасля падпісання кантракта, нават не даехаўшы да фронту
Стваральнік руху «Тыгры Радзімы» Уладзімір Лакцюшын апублікаваў даведку з пазнакай, дзе праходзіць навучанне. І туды прыляцела.
Былы кіраўнік моладзевага крыла партыі «Радзіма» Уладзімір Лакцюшын загінуў на «СВА» праз 10 дзён пасля падпісання кантракту. Адбыўся прылёт па навучальным цэнтры, дзе ён быў.
Як пішуць Z-каналы, прылёт не быў выпадковым. Лакцюшын сам апублікаваў даныя пра месца сваёй службы.
«Валодзя вёў актыўнае жыццё ў сацыяльных сетках: публікаваў свой шлях у ваенкамат, інтэрв'ю мясцовым СМІ, дзяліўся дэталямі службы. Асабліва паказальны выпадак з апублікаваным дакументам — даведкай, якая пацвярджае, што ён служыць у добраахвотніцкім корпусе і якая паказвае яго сапраўднае месцазнаходжанне. Менавіта такія дадзеныя ў адкрытым доступе дазваляюць праціўніку лёгка вылічаць цэлі, наносіць удары і забіраць жыцці нашых байцоў — нават тых, хто яшчэ не паспеў трапіць на перадавую», — піша Z-канал.
Лакцюшын у 2015 годзе стварыў рух «Тыгры Радзімы». Члены гэтага моладзевага крыла «Радзімы» называлі сябе «спецназам прэзідэнта», а сама назва была абрана ў гонар амурскіх тыграў — улюбёнцаў прэзідэнта Пуціна. Але адначасова Тыгр — гэта абрэвіятура («ТИГРы Родины —Традиция. Империя. Государство. Родина»).
Лакцюшына не стала 13 сакавіка.
«Кайлас, я іду». Што за беларуска знікла ў жудасным селі ў Непале6
Каментары