Польская канькабежка, якая на Алімпіядзе атрымала каньком пад вока, расказала, як гэта перажыла
Сітуацыя з траўмаваннем польскай канькабежкі Камілы Селье, якая выступае ў шорт-трэку, прымусіла заўзятараў усяго свету здрыгануцца. Цяпер упершыню пасля атрымання той траўмы яна паказала свой шнар і расказала, як інцыдэнт паўплываў на яе жыццё, піша Daily Mail.
Падчас нядаўніх зімовых Алімпійскіх гульняў у італьянскіх Мілане і Карціна д'Ампеца ў чвэрцьфінале спаборніцтваў па шорт-трэку на 1500 метраў 25‑гадовая Каміла Селье атрымала сур’ёзную траўму: канёк суперніцы разрэзаў ёй твар. Спартсменку вынеслі з лёду на насілках, і ўсё гэта адбывалася ў жывым эфіры.
Дзяўчыне зрабілі складаную, але ўдалую аперацыю на вачніцы. Як адзначаецца, ёй яшчэ пашанцавала, бо пашкоджанні маглі быць і значна цяжэйшымі — прынамсі, вока ў яе засталося. Раней Селье паказвала толькі «лепшы бок» свайго твару, а цяпер выступіла на польскім тэлебачанні і адкрыта расказала пра наступствы траўмы.
Каміла прызналася, што ў яе застаўся шнар, а зрок часткова пагоршыўся. У вачніцы ўсталяваная тытанавая сетка, таксама ёсць пералом косткі пад брывом. Яна адзначае, што часта бачыць усё ў падвоеным выглядзе, асабліва калі глядзіць уверх або ўніз.
Нягледзячы на гэта, спартсменка настроеная пазітыўна і не збіраецца здавацца. Яна падкрэсліла, што ёй вельмі дапамагае падтрымка сям’і і людзей з усяго свету.
Інцыдэнт адбыўся пасля сутыкнення з вядомымі зоркамі шорт-трэку, у тым ліку італьянкай Арыянай Фантана і амерыканкай Крыстэн Сантас-Грысвалд. Падчас гонкі спаборніцтвы прыпынілі, каб аказаць дапамогу пацярпелай.
Самае жахлівае здарэнне на Алімпіядзе. Польская спартоўка атрымала каньком у вока
У алімпійскай чэмпіёнкі Ганны Гуськовай перад Алімпіядай памерла мама
Ліндсі Вон расказала, як яе нагу выратавалі ад ампутацыі
Усе гульцы зборнай Канады выйшлі на лёд, калі швейцарскага хакеіста выносілі з пляцоўкі
Італьянская гарналыжніца стала алімпійскай чэмпіёнкай, менш чым за год аднавіўшыся пасля цяжкага пералому
Каментары