Stali viadomyja proźviščy jašče siami čałaviek, vyzvalenych praz pamiłavańnie
Proźviščy siami žančyn nazvaŭ prapahandyst Juryj Vaskrasienski. Jany vyjšli na svabodu ŭ listapadaŭskija chvali pamiłavańniaŭ.
Proźviščy vyzvalenych — Volha Patrusajeva, Alena Hucik, Valeryja Drahun, Taćciana Makarava, Natalla Ściopina, Alena Dubroŭskaja, Iryna Skrob.
26-hadovaja Volha Patrusajeva była zatrymanaja 15 listapada 2023 hoda i asudžanaja ŭ sudzie Maskoŭskaha rajona horada Minska pa č. 1 art. 342 KK (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich) da 1,5 hoda kałonii ahulnaha režymu.
38-hadovaja Alena Hucik mierkavana była zatrymanaja ŭ kancy traŭnia 2024 hoda i asudžanaja 24 lipienia ŭ sudzie Kastryčnickaha rajona Minska pa č. 1 art. 342 KK (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich). Prysud byŭ pravaabaroncam nieviadomy.
23-hadovuju Valeryju Drahun zatrymali 27 krasavika 2024 hoda, a 19 červienia ŭ sudzie Leninskaha rajona Hrodna joj vynieśli prysud pavodle art. 370 KK (ździek ź dziaržsimvałaŭ) — 1 hod kałonii ahulnaha režymu.
50-hadovuju Taćcianu Makaravu 13 sakavika 2024 hoda ŭ sudzie Baranavičaŭ i Baranavickaha rajona pryznali vinavataj pavodle č. 3 art. 203-1 Kryminalnaha kodeksu (niezakonnyja dziejańni ŭ dačynieńni da infarmacyi pra pryvatnaje žyćcio i piersanalnych danych) iasudzili da dvuch z pałovaj hadoŭ abmiežavańnia voli z nakiravańniem ŭ PUAT («chimii»).
52-hadovaja Natalla Ściopina 18 červienia 2024 hoda była asudžanaja ŭ sudzie Kastryčnickaha rajona horada Mahilova pavodle č. 2 art. 367 KK (paklop u dačynieńni da Łukašenki) na 2 hady kałonii ahulnaha režymu.
49-hadovaja Alena Dubroŭskaja 17 krasavika 2024 hoda była asudžanaja ŭ sudzie Leninskaha rajona horada Mahilova pavodle č. 1 art. 368 KK (abraza Łukašenki) da 1,5 hoda kałonii va ŭmovach ahulnaha režymu.
49-hadovaja Iryna Skrob była asudžanaja Minskim haradskim sudom 3 žniŭnia 2023 hoda pavodle č. 1 art. 361-4 KK (sadziejničańnie ekstremisckaj dziejnaści) da 2 hadoŭ i 6 miesiacaŭ pazbaŭleńnia voli.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary