Śviet

Zatrymanaha na akcyi pratestu ŭ Tbilisi biełarusa ŭtrymlivajuć u SIZA

Infarmacyja hruzinskaha praŭradavaha telekanała «Imiedy» ab zatrymańni na akcyi pratestu ŭ Tbilisi hramadzianina Biełarusi Jaŭhiena Muravickaha paćvierdžana, paviedamiŭ «Pozirku» pravaabaronca Raman Kiślak.

Da suda Muravicki, jakomu ŭ červieni spoŭniłasia 25 hadoŭ, znachodzicca ŭ SIZA horada Sihnachi za 109 km ad stalicy. «Nibyta tamu, što miescy źniavoleńnia ŭ Tbilisi pierapoŭnieny», — skazaŭ Kiślak, jaki pražyvaje ŭ Hruzii i damahajecca prava na prytułak. Dastavić u sud, pavodle jaho słoŭ, zatrymanaha abaviazany na praciahu 48 hadzin z momantu zatrymańnia.

Hruzinskaja apazicyja asprečvaje aficyjnyja vyniki kastryčnickich parłamienckich vybaraŭ, pavodle jakich bolš za pałovu miescaŭ atrymała praviačaja partyja «Hruzinskaja mara» miljardera Bidziny Ivanišvili.

Pratesty ŭspychnuli ŭ krainie z novaj siłaj 28 listapada paśla zajavy premjer-ministra Iraklija Kabachidze ab zamarožvańni da 2028 hoda pieramovaŭ ab ustupleńni Hruzii ŭ Jeŭrasajuz i admovie ad lubych biudžetnych hrantaŭ z boku ES.

28 i 29 listapada ŭ Tbilisi ŭ vyniku sutyknieńniaŭ, pavodle źviestak MUS, było zatrymana 150 čałaviek (43 i 107 adpaviedna).

Muravickaha zatrymali ŭ druhi dzień naraŭnie z 8 hramadzianami Rasii i adnym amierykancam. Miascovyja pravaabaroncy, apazicyjnyja žurnalisty i palityki acanili dziejańni palicyi jak nieadekvatnyja, asabliva 29 listapada: na videakadrach bačna, jak siłaviki źbivajuć ludziej, jakija lažać; akramia taho, paciarpieli pradstaŭniki ŚMI.

30 listapada na vulicach Tbilisi i inšych haradoŭ prajšli samyja masavyja akcyi, jakija padtrymlivaje prezident Zurabišvili, jakaja maje pa Kanstytucyi abmiežavanyja paŭnamoctvy.

Siłavikam, jakija padparadkoŭvajucca ŭradu, upieršyniu nie ŭdałosia razahnać pratestoŭcaŭ, i akcyja bieź pierapynku praciahnułasia 1 śniežnia. Zatrymanych u treci dzień było mienš — 50 čałaviek.

Kamientary

Ciapier čytajuć

Čamu biełarusy kuplajuć rasijskija «Łady» i čamu ad ich plujucca

Čamu biełarusy kuplajuć rasijskija «Łady» i čamu ad ich plujucca

Usie naviny →
Usie naviny

Vosiem čałaviek zatrymany ŭ Polščy pa padazreńni ŭ padrychtoŭcy dyviersij

Kiraŭnicu adździeła prodažaŭ sietki kramaŭ OMA asudzili za «sadziejničańnie ekstremisckaj dziejnaści»1

Zhraja vaŭkoŭ źbiehła ź Biełarusi ŭ Litvu VIDEA13

Armija Mjanmy vyzvaliła 2198 čałaviek z machlarskaj skam-fabryki KK Park4

Ułady Tajłanda aścierahajucca źnižeńnia turpatoku z-za zabojstva biełaruski2

Što treba było kurataru z KDB ad Liceja BDU da 2020 hoda?2

U DAI raskazali pra vyniki pravierak na zapraŭkach paśla abureńnia Łukašenki2

22‑hadovaja biełaruska žyvie ŭ Novaj Ziełandyi i raskazvaje, jak jano19

Upieršyniu ŭ historyi žančyna stała premjeram Japonii5

bolš čytanych navin
bolš łajkanych navin

Čamu biełarusy kuplajuć rasijskija «Łady» i čamu ad ich plujucca

Čamu biełarusy kuplajuć rasijskija «Łady» i čamu ad ich plujucca

Hałoŭnaje
Usie naviny →

Zaŭvaha:

 

 

 

 

Zakryć Paviedamić