Pretendent u prezidenty Alaksandr Chižniak raskazaŭ, što trapiŭ u 2020 hodzie ŭ «Čornuju knihu»
Staršynia Respublikanskaj partyi pracy i spraviadlivaści (RPPS) Alaksandr Chižniak raskazaŭ Tochka.by pra niekatoryja fakty svajoj bijahrafii i jak idzie zbor podpisaŭ.
Paśla vybaraŭ-2020, kali palityk kiravaŭ vybarkamam, jaho siamja sutyknułasia z ckavańniem, narakaje jon. Tamu vyłučeńnie ŭ prezidenty abmiarkoŭvałasia i ŭ chatnim kole.
«Adzinaje pytańnie, jakoje siamja zadała: nie budzie tak, jak tady?» — uzhadvaje kiraŭnik partyi.
U 2020 hodzie źviestki Alaksandra i jaho blizkich byli źlityja ŭ sietku, i jon staŭ achviaraj infarmacyjnaj ataki.
«Ja byŭ u ŭsich «čornych knihach» [unosilisia ludzi, zamiašanyja ŭ represijach, hvałcie, falsifikacyjach i danosach — NN] i na ŭłasnaj skury adčuŭ, što takoje bulinh. Ale ja nikoli nie zdymaŭ deputacki značok, u adroźnieńnie ad tych, chto ŭ 2020 hodzie bajaŭsia ź im vyjści ŭ kramu», — zajaŭlaje jon.
Zaraz Chižniak źbiraje podpisy ŭ padtrymku svajoj kandydatury. Adnak, pavodle jaho słoŭ, heta značna składaniej, čym u minułyja razy, bo mnohija ludzi, padpisvajučysia za taho ci inšaha kandydata ŭ 2020 hodzie, ryzykavali stracić pracu ci patrapić u «zabaronienyja» śpisy.
Alaksandr kiruje kalektyvam u «BiełNDIhradbudzie», dzie pracuje kala 150 čałaviek, ź jakich amal pałova — moładź. Jak śćviardžaje Chižniak, jamu nie davodziłasia zvalniać supracoŭnikaŭ «za palityku» ci za podpisy. Tym nie mienš, kali ŭ kalektyvie pačali adčuvać «trend na razbureńnie», jon ličyŭ nieabchodnym pahavaryć z kalehami.
«U nas na pradpryjemstvie nie było zatrymańniaŭ, «sutak» i «sinich azadkaŭ». Ale ja raźbiraŭsia z kožnym. Tyja, chto chacieŭ syści, abapirajučysia na svaje pierakanańni, nieparazumieńnie ci niemahčymaść «žyć u hetaj dziaržavie», hety vybar zrabili i syšli. Pa artykule ja nikoha nie zvolniŭ. U kalektyvie my hetuju staronku pieraharnuli», — pierakonvaje jon.
Padčas vybaraŭ-2020 Chižniak kiravaŭ rajonnaj vybarčaj kamisijaj u Frunzienskim rajonie Minska. U jaho ŭvachodziać i stancyja mietro «Puškinskaja», i Kamiennaja Horka — adny z ačahoŭ pratestaŭ.
Kiraŭnictva RPPS na nastupny dzień vystupiła z rezkaj krytykaj vybaraŭ i zaklikała pravieści novyja.
Hetaja pazicyja nie była ŭzhodniena z aktyvam, śćviardžaje Alaksandr Chižniak.
Častka rehijanalnych jačejek adrazu ž zamaroziła svoj udzieł «da vyśviatleńnia situacyi». U vyniku ŭ partyi adbyŭsia raskoł. U śniežni 2020 hoda adbyŭsia źjezd, staršynia Vasil Zadniaprany byŭ vyklučany z šerahaŭ arhanizacyi.
Kanapackaja śćviardžaje, što jaje kamanda źbiraje ŭ dzień minimum pa čatyry tysiačy podpisaŭ
Šumčanku, jakoha nie ŭziali kiroŭcam na «chutkuju», paklikali kiravać štabam Kanapackaj
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ17
Kamientary
Uhriumo ludi priačutsia v palto.
Na krik : "Kohda žie eta Svołoċ sdochniet?...". Užie nikto nie sprašivajet: "Kto?"