«Viciebskija dyvany» ciapier sprabujuć uvarvacca i na rynak mastactva, zaŭvažyŭ Citydog.io.
Kamanda brenda paviedamiła ŭ Instagram pra start prodažaŭ novaj kalekcyi: postaraŭ z dyvanoŭ u pamiery 50ch80 z džutavaj asnovaj, jakaja vyhladaje, na dumku vytvorcy, «jak habielen».
Kalekcyja składajecca z bolš jak 30 malunkaŭ na roznyja temy. Ciana adnaho postara z dyvana — 47,90 rub. Kupić jaho možna ŭ firmovaj kramie ŭ HC «Pieršy Nacyjanalny handlovy dom».
Biełarusy na kalekcyju adreahavali pa-roznamu.
«Čyrvonaja akantoŭka nie padychodzić. Treba zrabić jaje pad koler malunka, jak ramu dla karciny», — pišuć u kamientarach.
«Bolš łakanična hladziełasia b akantoŭka pad koler samoha postara», — kamientuje inšy karystalnik.
«Vielmi cikavaje rašeńnie», — upadabaŭ chtości.
«Małajcy. Cudoŭnyja dyvanki. Treba abaviazkova kupić adzin ź ich».
Kamientary