Orban nazvaŭ cyničnym ordar na aryšt Nietańjachu i demanstratyŭna zaprasiŭ jaho ŭ Vienhryju
Premjer-ministr Vienhryi asudziŭ ordar Mižnarodnaha kryminalnaha suda na aryšt jaho izrailskaha kalehi i zajaviŭ, što nie budzie jaho vykonvać.
Orban abvinavaciŭ sud u Haazie va ŭmiašańni ŭ praciahły kanflikt z palityčnymi metami.
Jon zajaviŭ, što rašeńnie vydać ordar na aryšt Nietańjachu ŭ suviazi ź jaho viadzieńniem vajny ŭ Hazie padryvaje mižnarodnaje prava i ŭzmacniaje napružanaść, piša AP.
Orban nazvaŭ ordar na aryšt Nietańjachu «aburalna nachabnym» i «cyničnym». Jon skazaŭ, što zaprosić izrailskaha premjera ŭ Vienhryju i paabiacaŭ praihnaravać ordar, kali zaprašeńnie budzie pryniata.
«My kiniem vyklik hetamu rašeńniu, i heta nie budzie mieć dla jaho nijakich nastupstvaŭ», — zajaviŭ Orban.
Vienhryja ratyfikavała Rymski statut, jaki abaviazvaje jaje aryštavać Nietańjachu, kali jon pryjedzie ŭ krainu.
Nietańjachu vitaŭ pazicyju Orbana.
«U procivahu haniebnaj słabaści tych, chto padtrymaŭ aburalnaje rašeńnie, nakiravanaje suprać prava Dziaržavy Izrail na samaabaronu, Vienhryja — jak i našy siabry ŭ Złučanych Štatach — demanstruje maralnuju jasnaść i adstojvaje spraviadlivaść i praŭdu», — zajaviŭ premjer Izraila.
MKS vydaŭ ordar na aryšt Nietańjachu i byłoha ministra abarony Izraila Joava Hałanta pa abvinavačvańni ŭ vajennych złačynstvach u Hazie.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary