Šolc: Užyvańnie Rasijaj novaj hipierhukavaj rakiety aznačaje, što treba paźbiahać eskałacyi
Heta pakazvaje, nakolki niebiaśpiečnaja hetaja vajna, miarkuje kancler.
Kancler Hiermanii zajaviŭ, što vykarystańnie Rasijaj ekśpierymientalnaj hipierhukavaj rakiety suprać Ukrainy było prykładam «žachlivaj eskałacyi», i eskałacyju treba paźbiahać usimi siłami, piša Bi-bi-si.
«Toje, što Pucin ciapier vykarystaŭ rakietu siaredniaj dalnaści dla ŭdaru pa ŭkrainskaj terytoryi, — heta žachlivaja eskałacyja», — cytuje AFP pramovu kanclera. Heta pakazvaje, «nakolki niebiaśpiečnaja hetaja vajna», i Hiermanii važna pracavać sa svaimi sajuźnikami, «kab zrabić toje, što praduchilić eskałacyju hetaj vajny ŭ vajnu pamiž Rasijaj i NATO», skazaŭ Šolc.
Hiermanija zajmaje druhoje miesca pa abjomie vajennaj dapamohi Ukrainie, sastupajučy tolki ZŠA. Adnak mnohija niemcy ź vialikim aściarožnaściu staviacca da takoha hłybokaha ŭdziełu krainy ŭ vajnie, a niekatoryja (asabliva ŭ byłoj HDR) navat adčuvajuć bolšuju ci mienšuju simpatyju da pucinskaj Rasii.
Šolc daŭ zrazumieć, što Hiermanija nie płanuje pastaŭlać Ukrainie dalnabojnyja kryłatyja rakiety Taurus, i tym bolš dazvalać atakavać imi celi na rasijskaj terytoryi, niahledziačy na toje, što ZŠA i Vialikabrytanija niadaŭna pryniali anałahičnaje rašeńnie adnosna ATACMS i Storm Shadow.
Pavodle jaho słoŭ, važna padtrymlivać bałans pamiž «razumnaściu i jasnaj padtrymkaj Ukrainy». «Heta vy atrymajecie tolki z Sacyjalistyčnaj partyjaj», — skazaŭ Šolc, źviartajučysia da vybarcaŭ.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?11
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary