Rasija moža mieć tolki niekalki takich rakiet, jakuju jana zapuściła pa Dniapry
U apošnija dni ZŠA papiaredžvali Ukrainu i inšych partnioraŭ pra mahčymaje ŭžyvańnie Rasijaj ekśpierymientalnaj balistyčnaj rakiety siaredniaj dalokaści dla ŭdaru pa Ukrainie. Pra heta piša vydańnie «Suśpilnie» sa spasyłkaj na krynicy ŭ amierykanskim pasolstvie va Ukrainie.
Pavodle źviestak krynic, Rasija atakavała Ukrainu ekśpierymientalnaj balistyčnaj rakietaj siaredniaj dalokaści. Adznačajecca, što Rasija, vierahodna, maje tolki niekalki takich rakiet.
«Rasija moža pasprabavać vykarystać hety patencyjał dla taho, kab zapałochać Ukrainu i jaje prychilnikaŭ abo pryciahnuć uvahu ŭ infarmacyjnaj prastory, ale heta nie źmienić chod padziej u hetym kanflikcie», — padkreśliła krynica.
Pry hetym jana padkreślivaje, što apošnimi dniami Ukrainu i jaje blizkich sajuźnikaŭ papiaredžvali pra mahčymaje ŭžyvańnie Rasijaj takoj zbroi, «kab dapamahčy padrychtavacca».
21 listapada Rasija naniesła pa Ukrainie ŭdar rakietami roznaha typu. Pavietranyja siły zajavili pra ŭdar mižkantynientalnaj balistyčnaj rakietaj, pra takuju imaviernaść paviedamiŭ i prezident Ukrainy Uładzimir Zialenski.
Uviečary rasijski kiraŭnik Uładzimir Pucin zajaviŭ, što jahonaja armija vyprabavała novuju balistyčnuju rakietu siaredniaj dalokaści, jakuju nazvała «Arešnik», udaryŭšy pa Dniapry.
Pucin zajaviŭ pra ŭdary pa Ukrainie novaj zbrojaj, jakaja «nie pierachoplivajecca»
Balistyčnaja rakieta, zapuščanaja siońnia Rasijaj pa Ukrainie, była nie takoj, jak zrazu padavałasia
Zacharavaj prosta ŭ časie bryfinhu patelefanavali i skazali nie kamientavać udar balistyčnaj rakietaj
U siecivie źjaviłasia videa, mahčyma, pieršaha ŭ historyi prymianieńnia novych rasijskich balistyčnych mižkantynientalnych rakiet
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary