Pašparty roznych krain paraŭnali pa tym, ci lohka ź imi padarožničać — biełaruski staŭ apošnim u Jeŭropie. Pa mahčymaściach, jakija jon daje ŭłaśniku, sini pašpart akazaŭsia padobny da dakumientaŭ hramadzian Fidžy i Hajany.
Zhodna z rejtynham VisaGuide Passport Index 2024, biełaruski pašpart akazaŭsia najsłabiejšym ź jeŭrapiejskich pašpartoŭ. Takuju pazicyju pašpart zajmaje pa stanie na listapad 2024-ha, ale viadoma, što i raniej jon akazvaŭsia na apošnim miescy ŭ Jeŭropie.
Aŭtary rejtynhu aceńvajuć pašparty pavodle mahčymaściaŭ, jakija atrymlivaje ich uładalnik. Uličvajecca kolkaść krain, kudy jon moža trapić bieź vizy, kudy jamu treba afarmlać elektronnuju vizu ci vizu pa pryjeździe ŭ krainu, to-bok mahčymaści ŭładalnika pašpartu pierasoŭvacca pa śviecie.
Biełaruski pašpart zaniaŭ u rejtynhu 109 miesca, što pa susiedstvie ź Fidžy i Hajanaj — adpaviedna 108 i 110 miescy. Hramadzianie Biełarusi mohuć naviedvać bieź vizy 45 krain, u 114 krainach viza nam patrebnaja. Jość 35 krain, dzie ŭładalniki biełaruskaha pašpartu musiać atrymać vizu pa prybyćci, i 30, dzie biełarusy pavinny mieć elektronnuju vizu. U vypadku ź jašče dźviuma krainami biełaruskim hramadzianam treba atrymać elektronny dazvoł na padarožža — taki dakumient nie ličycca roŭnym vizie, bo kab jaho atrymać, patrebna tolki aformić nievialikuju anłajn-zajaŭku.
Paraŭnajem heta z najlepšym jeŭrapiejskim pašpartam u rejtynhu — pašpartam Ispanii, jaki zaniaŭ druhoje miesca ŭ ahulnym rejtynhu. Hramadzianie Ispanii mohuć trapić bieź vizy ŭ 107 krain, a ŭ 43 krainy jany mohuć pryjechać i biez pašpartu. Paŭnavartasnaja viza patrebnaja dla ispancaŭ tolki ŭ 15 krainach śvietu.
Ale bolš za ŭsio pašancavała tym, kamu dastaŭsia lidar rejtynhu — pašpart Sinhapura. Hramadzianie hetaj azijackaj krainy mohuć naviedać ažno 160 krain śvietu bieź vizy.
Na apošnim miescy ŭ hetym rejtynhu — pašpart Samali.
«Naša Niva» — bastyjon biełaruščyny
PADTRYMAĆCiapier čytajuć
«Vy bačyli špalery ad zabudoŭščyka? Heta ž strašny son». Za što krytykujuć dziaržaŭny ramont u kvaterach dla čarhavikoŭ?1
Kamientary
Tamu pieršaja zadača biełarusaŭ - adstajać svaje pravy ŭ Biełarusi i vymieści preč maskoŭskaje bydła, jakoje zaminaje nam žyć i raźvivacca.