Ursuła fon der Lajen akazała pieršuju dapamohu pasažyru na borcie samalota
Padčas rejsa avijakampanii Swiss Air ź Ciurycha ŭ Brusiel adnamu z pasažyraŭ stała drenna — tady ekipaž źviarnuŭsia pa dapamohu da ludziej ź miedycynskimi viedami na borcie.
Na zaklik adhuknułasia staršynia Jeŭrakamisii Ursuła fon der Lajen, jakaja akazała pieršuju dapamohu jašče da pasadki samalota, piša Bild.
Samalot z pryjarytetam ekstranaj pasadki pryziamliŭsia ŭ Brusieli, dzie pacyjenta sustreli daktary.
«Inšyja pasažyry čakali na borcie, pakul daktary zajmalisia paciarpiełym», — raskazaŭ adzin ź śviedak.
Paśla hetaha fon der Lajen pajechała na čornym «Miersiedesie», bo joj treba było śpiašacca na adno z aficyjnych mierapryjemstvaŭ. Sama kiraŭnica Jeŭrakamisii paćvierdziła Bild, što dapamahła pasažyru.
«My viartalisia ŭ Brusiel, kali adnamu z pasažyraŭ patrebna była dapamoha. Jak zvyčajna, ekipaž paprasiŭ adhuknucca tych, chto vałodaje miedycynskimi navykami», — raspaviała jana.
Ursuła fon der Lajen maje miedycynskuju adukacyju i doktarskuju stupień. Heta ŭžo nie pieršy raz, kali jana akazvaje dapamohu pasažyram padčas palotaŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary
nastolki, što i joj
užo treba adbielivaciel