U ZŠA zaklikajuć panizić handlovy status Kitaja da ŭzroŭniu Biełarusi
Śpiecyjalnaja dvuchpartyjnaja kamisija, jakaja kansultuje Kanhres ZŠA pa pytańniach adnosin z Kitajem, zaklikaje pryniać šerah žorstkich zakonaprajektaŭ, kab supraćstajać narastajučym ekanamičnym i technałahičnym vyklikam z boku Piekina.
U svajoj štohadovaj spravazdačy, apublikavanaj u aŭtorak, upłyvovaja dvuchpartyjnaja kamisija pry Kanhresie ZŠA pa pytańniach biaśpieki i ekanamičnych adnosinach z Kitajem nastojliva rekamiendavała amierykanskim zakanadaŭcam admianić dla Piekina pastajanny status narmalnych handlovych adnosin (PNTR) i zakryć dla jaho łaziejku, jakaja dazvalaje kitajskim tavaram koštam da 800 dalaraŭ uvachodzić u ZŠA biez mytnych pošlin.
U samim Kanhresie taksama nazirajecca dvuchpartyjnaja padtrymka hetaj idei, piša vydańnie The Washington Post.
Admiena PNTR, jakaja dziejničaje z 2001 hoda paśla dałučeńnia Kitaja da Suśvietnaj handlovaj arhanizacyi (SHA), stała b biesprecedentnym krokam. Hetaja miera istotna padvysiła b taryfy na kitajskija tavary (jakija ŭ ZŠA i tak vysokija) i paniziła b u vačach Złučanych Štataŭ handlovy status Kitaja da ŭzroŭniu takich krain, jak Kuba, Paŭnočnaja Kareja, Rasija i Biełaruś, piša vydańnie The Washington Post.
Donald Tramp pierad pieramohaj na vybarach abiacaŭ pavysić taryfy na kitajskija tavary da 60%, i admiena PNTR dla Kitaja moža stać lehalnym miechanizmam dla realizacyi hetaha abiacańnia. Amierykanskija zakanadaŭcy taksama dapuskajuć pavieličeńnie taryfaŭ i da 100%.
U dadatak da hetaha, kamisija zaklikaje ŭłady ZŠA zapuścić poŭnamaštabnuju prahramu pa raźvićci štučnaha intelektu pa prykładu Manchetenskaha prajekta časoŭ Druhoj suśvietnaj vajny (jaki daŭ śvietu pieršuju atamnuju bombu), kab atrymać nad Kitajem značnuju technałahičnuju i vajskovuju pieravahu.
«Kitaj zastajecca najbolšaj ekanamičnaj pahrozaj našaha času. Nieabchodna adkazvać nie tolki na handlovyja praktyki i technałahičnyja dasiahnieńni Kitaja, ale i na parušeńni im pravoŭ čałavieka», — reziumavała dvuchpartyjnaja kamisija respublikancaŭ i demakrataŭ pry Kanhresie ZŠA.
Kitajskaja ambasada ŭ Vašynhtonie ŭžo raskrytykavała spravazdaču, nazvaŭšy jaje «poŭnaj dezinfarmacyjaj i paklopam», i zajaviŭšy, što zaprapanavanyja ŭ dakładzie miery «supiarečać praviłam SHA i mohuć paškodzić jak amierykanskaj, tak i suśvietnaj ekanomicy».
Ekspart Kitaja rvanuŭ uvierch — tam aścierahajucca pahroz Trampa i novaj handlovaj vajny
«My nie adny ŭ kosmasie». Novaja spravazdača Pientahona pra NŁA vyklikała sprečki ŭ Kanhresie ZŠA
Pucinu ekskluziŭna pakazali pratatyp valuty BRIKS, «jakaja abrynie dalar». My adšukali aryhinał banknoty, jość dziŭnaści sa ściaham Biełarusi
Ciapier čytajuć
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary
Davajcie ščyra, kab Kitaŭ byŭ prosta biednaj adstałaj krainaj ź vialikaj kolkaściu nasielnictva, to pytańni pravoŭ čałavieka nikoha ŭ Kanhresie nie turbavali by.