Ukraina pačała vykarystoŭvać inavacyjnyja drony. Jany mohuć samastojna lacieć da celaŭ biez pastajannaha čałaviečaha kantrolu.
Pry technałohiju piša The Wall Street Journal.
Pieravahi smart-dronaŭ
Vykarystańnie razumnych dronaŭ (smart drones) maje šmat pieravah. Pieradusim heta aznačaje lahčejšaje paźbiahańnie pieraškod: drony mohuć praciahvać ruch da celi, navat kali sihnały błakujucca.
Aŭtapiłotami lahčej kiravać. Ubudavany kampjutar stabilizuje dron, tamu piłot nie musić pastajanna rabić karektyvy.
Razumnyja drony dasiahajuć celi, navat kali jana schavanaja. Drony mohuć nanosić udary pa celach za pahorkami abo štučnymi pieraškodami, bo jany nie zaležać ad pramoha sihnału.
Na praktycy heta vyhladaje pryblizna tak. Ukrainski sałdat abiraje cel, naprykład, rasijski hruzavik z bojeprypasami. Naciskaje na ekranie płanšeta. Zatym dron pierachodzić u režym aŭtapiłota, heta značyć, samastojna lacić da celi. Sałdat naziraje, jak dron «nyraje» i źniščaje cel.
Tannyja i efiektyŭnyja
Źjaŭleńnie ŭ rasparadžeńni ŭkrainskaj armii smart-dronaŭ dapamahaje častkova vyrašyć adno z vostrych pytańniaŭ: deficyt sałdataŭ.
Smart-drony — heta taksama tannaja alternatyva darahim rakietam. Vialikim plusam tut jość vykarystańnie niedarahich kampjutaraŭ unutry dronaŭ. Minikampjutar Auterion, viadomy jak Skynode, pamieram ź nievialiki kułak. I kaštuje jon pryblizna stolki ž, kolki smartfon. Heta robić pieradavuju technałohiju smart-dronaŭ dastupnaj.
Ukraina ŭžo zaraz pačynaje masava vyrablać razumnyja drony. Kampanii, jak zhadanaja Auterion z ZŠA, i ŭkrainskija startapy, jak Vyriy Drone, vyrablajuć tysiačy takich dronaŭ.
Vyriy imkniecca zachoŭvać košt svaich dronaŭ nižej za $50. Vytvorca vykarystoŭvaje detali, vyrablenyja va Ukrainie, ź niekatorymi kampanientami z Kitaja i inšych krain. Hety nizki košt dazvalaje im chutka naroščvać kolkaść dronaŭ.
Nievialikija kampanii robiać vialiki ŭkład
U adroźnieńnie ad bujnych vytvorcaŭ zbroi, ukrainskija vytvorcy dronaŭ małyja i inavacyjnyja. Jany pracujuć ź nievialikich fabryk i majsterniaŭ, časta pad pahrozaj ataki. Jany skancentravany na vyrabie kankretnych častak, takich jak prapielery i matory.
Bolšaść hetych dronaŭ viadomyja jak drony pieršaj asoby, abo FPV. Drony-FPV dazvalajuć piłotu bačyć ź pierśpiektyvy drona ŭ režymie realnaha času. Heta jak byccam vy znachodziciesia ŭnutry drona padčas palotu.
Piłoty kirujuć dronami z dapamohaj admysłovych akularaŭ, jakija ŭ režymie realnaha času pakazvajuć videasihnał z kamiery drona. Hetyja drony niasuć vybuchoŭku, jakaja detanuje pry sutyknieńni.
Pahroza dla rasijskaj abarony
Da hetaha času rasijanie abaranialisia pierad ukrainskimi dronami, vykarystoŭvajučy elektronnyja pieraškody. Hety pieraškody błakavali radyjosihnały pamiž dronam i jaho apierataram, z-za čaho dron raźbivaŭsia.
Adnak smart-drony mohuć samastojna kiravacca da celi, navat kali suviaź z apierataram zhublena. Heta robić ich značna bolš efiektyŭnymi.
Ukraina taksama pracuje nad raspracoŭkaj sistemy kiravańnia rajami dronaŭ. Heta kali adzin piłot kiruje niekalkimi dronami, jakija laciać razam i kaardynujuć svaje dziejańni.
Heta dało b Ukrainie jašče bolšuju pieravahu.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary