U Minsku budujuć zavod, jaki zmoža pierapracoŭvać usio śmiećcie stalicy
Budaŭnictva novaha zavoda pačałosia ŭ siaredzinie krasavika 2024 hoda. A jaho zaviaršeńnie płanujecca ŭžo ŭ nastupnym hodzie. Vyjaznuju naradu na budaŭnictvie śmiećciepierapracoŭčaha zavoda pablizu ad palihona «Traścianiecki» pravioŭ staršynia Minharvykankama Uładzimir Kucharaŭ 11 listapada, pieradaje «Minsk-Naviny».
— U ciapierašni momant hatoŭnaść abjekta składaje kala 25-28%. Viadziecca zbudavańnie karkasa budynka zavoda, a taksama dapamožnych zbudavańniaŭ — kacielni i składskich pamiaškańniaŭ. Praca viadziecca vachtavym mietadam, u tym liku ŭ vychodnyja dni. Resursaŭ chapaje: budoŭla zabiaśpiečana absalutna ŭsim nieabchodnym, — raspavioŭ dyrektar Hardarbuda Siarhiej Panioŭ.
Paralelna idzie zakupka i dastaŭka abstalavańnia.
— Štohod u Minsku ŭtvarajecca kala 600-700 tysiač ton kamunalnych adchodaŭ, a mahutnaść isnujučaha zavoda dazvalaje adsartoŭvać kala 100 tysiač ton. Tamu było pryniata rašeńnie ab budaŭnictvie novaha zavoda, jaki dazvolić sartavać usio śmiećcie, jakoje pastupaje, — skazała hienieralny dyrektar Minskaj haradskoj žyllovaj haspadarki Maryna Toŭścik.
Jana taksama adznačyła niekalki asablivaściej prajekta. Siarod ich — stvareńnie vytvorčaści RDF-paliva z pakinutych paśla sartavańnia adchodaŭ. Pastaŭlena zadača stvaryć zamknuty cykł, u jakim buduć vykarystoŭvacca technałohii, jakija dajuć mahčymaść pierapracoŭvać adchody płastyka ŭ PET-fleks i hranuły, vyrablać alternatyŭnaje paliva dla pastaŭki na cemientnyja zavody krainy.
Novaja vytvorčaść abiacaje stać zavodam z samymi vialikimi mahutnaściami nie tolki ŭ Biełarusi, ale i siarod susiednich krain, piša vydańnie.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary