У Мінску будуюць завод, які зможа перапрацоўваць усё смецце сталіцы
Будаўніцтва новага завода пачалося ў сярэдзіне красавіка 2024 года. А яго завяршэнне плануецца ўжо ў наступным годзе. Выязную нараду на будаўніцтве смеццеперапрацоўчага завода паблізу ад палігона «Трасцянецкі» правёў старшыня Мінгарвыканкама Уладзімір Кухараў 11 лістапада, перадае «Мінск-Навіны».
— У цяперашні момант гатоўнасць аб'екта складае каля 25-28%. Вядзецца збудаванне каркаса будынка завода, а таксама дапаможных збудаванняў — кацельні і складскіх памяшканняў. Праца вядзецца вахтавым метадам, у тым ліку ў выходныя дні. Рэсурсаў хапае: будоўля забяспечана абсалютна ўсім неабходным, — распавёў дырэктар Гардарбуда Сяргей Панёў.
Паралельна ідзе закупка і дастаўка абсталявання.
— Штогод у Мінску ўтвараецца каля 600-700 тысяч тон камунальных адходаў, а магутнасць існуючага завода дазваляе адсартоўваць каля 100 тысяч тон. Таму было прынята рашэнне аб будаўніцтве новага завода, які дазволіць сартаваць усё смецце, якое паступае, — сказала генеральны дырэктар Мінскай гарадской жыллёвай гаспадаркі Марына Тоўсцік.
Яна таксама адзначыла некалькі асаблівасцей праекта. Сярод іх — стварэнне вытворчасці RDF-паліва з пакінутых пасля сартавання адходаў. Пастаўлена задача стварыць замкнуты цыкл, у якім будуць выкарыстоўвацца тэхналогіі, якія даюць магчымасць перапрацоўваць адходы пластыка ў ПЭТ-флекс і гранулы, вырабляць альтэрнатыўнае паліва для пастаўкі на цэментныя заводы краіны.
Новая вытворчасць абяцае стаць заводам з самымі вялікімі магутнасцямі не толькі ў Беларусі, але і сярод суседніх краін, піша выданне.
-
«Я вар’яцкі хачу ў Маскву». Беларуска, якая чакае ў ЗША суда за кантрабанду авіякампанентаў у Расію, спадзяецца на дапамогу РФ
-
У Польшчы адбылася самая вялікая ўцечка медыцынскіх асабістых даных у гісторыі краіны. Вось што ўцякло і як засцерагчыся
-
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА21
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны33
Каментары