Mahiloŭski eseist, žurnalist, piśmieńnik Alaksiej Baciukoŭ vypuskaje fotaalbom-daśledavańnie z nazvaj «Mahiloŭskaje cunami». Kniha pryśviečanaja katastrofie 10 krasavika 1942 hoda, kali praz abrušeńnie damby ŭ Mahilovie zdaryłasia pavodka na race Dubravienka. Kniha pabačyć śviet u vydaviectvie «Januškievič», piša bellit.info.
«Tady zahinuła ad niekalkich socień da niekalkich tysiač čałaviek, bolš za sto damoŭ byli razburanyja i zatoplenyja. Hetaja trahiedyja praktyčna ihnaravałasia ŭ ajčynnaj histaryjahrafii ŭ savieckija časy. Miarkuju, tamu što jana była niazručnaj dla aficyjnaj histaryčnaj pamiaci praz adsutnaść pierśpiektyŭ dla ideałahičnaha pafasu. Pieršyja publikacyi pra patop 1942 hoda stali pajaŭlacca ŭ presie i navukovych vydańniach tolki ŭ časy niezaležnaj Biełarusi», — raskazaŭ Bellit.info Alaksiej Baciukoŭ.
U hetym vydańni sabrana pad adnoj vokładkaj usio toje, što na dadzieny momant viadoma pra katastrofu — uspaminy vidavočcaŭ, vytrymki z archiŭnych dakumientaŭ. U vyniku pracy aŭtara ŭ Dziaržaŭnym archivie Mahiloŭskaj vobłaści była sabranaja infarmacyja pra ŭsich ludziej, jakija stali achviarami albo paciarpieli ad «cunami». Taksama byli padsumavanyja tyja mierapryjemstvy, jakija ažyćciaŭlała haradskaja ŭłada akupavanaha Mahilova dla kampiensacyi strat ludziam, što paciarpieli ad navadnieńnia.
U asnovu vydańnia loh unikalny ilustratyŭny materyjał. U knizie sabranyja ŭsie viadomyja na dadzieny momant fotazdymki katastrofy, jakija na praciahu hadoŭ šukaŭ i vykupaŭ na internet-aŭkcyjonach viadomy mahiloŭski kalekcyjanier i krajaznaviec Aleh David Lisoŭski.
«Asobna adznaču, što ŭ knizie publikujucca ŭspaminy vidavočcy, jakaja taksama paciarpieła ad pavodki razam ź siamjoj, jakija raniej nidzie nie publikavalisia. U kancy knihi pryviedzienaja zvodnaja tablica, u jakoj sabranyja ŭsie viadomyja imiony i adrasy pražyvańnia ludziej, jakija patrapili pad udar stychii. Usiaho atrymałasia vyjavić u archiŭnych dakumientach kala 380 takich siemjaŭ», — tłumačyć Alaksiej Baciukoŭ.
Taksama ŭ vydańni pryvodzicca mietodyka padliku, jakaja dazvalaje, na dumku aŭtara, nablizicca da najbolš realistyčnaj acenki kolkaści achviar katastrofy.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary