Siensacyja ŭ Mastackim muziei — pad «Dziaŭčynaj» ruskaha mastaka Malavina znajšli inšuju karcinu
79 hadoŭ kvietkavy naciurmort chavaŭsia pad płastom karyčnievaj farby na inšym pałatnie.
Tajamnica była na vačach u hledača z 1961 hoda, kali karcina «Dziaŭčyna», napisanaja ŭ kancy XIX stahodździa, źjaviłasia ŭ pastajannaj ekspazicyi, piša News By.
Adkryćcio zrabili vypadkova: hod tamu malavinski partret prachodziŭ pieršuju płanavuju restaŭracyju. Pry ahladzie restaŭratar źviarnuła ŭvahu na reljef, adkul litaralna vyjaviłasia kvietka. Prajšło daśledavańnie.
«Nitki nie charakternyja dla pałatna. I vyśvietliłasia, što bolšaja častka nitak źjaŭlajecca šoŭkam. U nas jość chimičnyja i fizičnyja daśledavańni. Zrobleny renthien i mikraskop, praktyčna na 100% bolšaja častka hetaj tkaniny składajecca z šaŭkovych nitak. Šaŭkovaja tkanina dosyć darahaja. Jakim čynam jana była vykarystanaja, taksama svajho rodu zahadka», — kaža Julija Misiučenka, mastak-restaŭratar Nacyjanalnaha mastackaha muzieja Biełarusi.
Siońnia i kvietki nieviadomaha aŭtara, i partret pendźla ruskaha mastaka Malavina žyvuć paasobku. I ich prezientujuć u jakaści padarunka da 85-hodździa Nacyjanalnaha mastackaha.
«U bližejšaj pierśpiektyvie my vielmi chočam stvaryć vystavu adnoj karciny i raspavieści historyju, jak restaŭratary raskryvali hety cud, — kaža Hanna Konanava, hiendyrektar Nacyjanalnaha mastackaha muzieja Biełarusi.
Pakul ža śpiecyjalisty rychtujucca da druhoha etapu daśledavańniaŭ. Treba paćvierdzić mierkavanuju datyroŭku karciny. Składaniej budzie znajści aŭtara.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary